
Medreseya Sor hildiweşe!   

2018-12-01 10:12:43


	&nbsp;

	ŞIRNEX - Li gel ku bi mîlyonan TL ji bo restorekirina Medreseya Sor a Cizîrê hat xerckirin jî, nava wê û banê wê ji ber ava baranê reseniya xwe winda dike. Ji bo medreseya ku hemû deverên wê bûye rutûbet, tedbîr nayên girtin.&nbsp;

	&nbsp;

	Li navçeya Cizîra Şirnexê, Medreseya Sor a dîrokî ya tirba tesawûf û şaîrê Kurd ê nav û deng Melayê Cizîrî jî li wire, ji ber barîna zêde ya barên dîsan cih dibe û reseniy axwe winda dike. Serokatiya Îdarî ya Başbûna Herêmê GAP’ê di çarçoveya “Projeya Bawerî ya Cizîrê” de di navbera salên 2006 û 2007’an de bi mîlyonan TL ji bo restorekirina medreseya dîrokê xerc kir. Lê niha ji bo medreseya ku hemû aliyên wê rutûbet girtiye tiştek nayê kirin.&nbsp;

	&nbsp;

	MALZEMEYÊN &nbsp;BÊKALÎTE HILDIWEŞIN&nbsp;

	&nbsp;

	Hemû malzemeyên di dema restorekirina medreseyê de hatin bi kar anîn, ji ber ku ne baş bûn, niha &nbsp;hemû hildiweşin. Ji ber barîna zêde jî, diwar û serbanê wê zirar dibînin û xerab dibin. Dîsan ava diber diwarên medreseyê re dikeve hûn dir û gelek aliyên medreseyê bûye rutûbet. Di haman demê dîwarên rengê wê hatine guhertin, her roja diçe reseniya xwe winda dike.&nbsp;

	&nbsp;

	YEK JI NAVENDÊN GIRÎNG Ê PERWERDÊ BÛ

	&nbsp;

	Medreseya Sor di serdema sedsala 15’emîn de, di dema Mîrtiya Cizîrê de hat avkirin û xwedî hewşek mezine. Dinava medreseyê de hin dersxane, xaringeh, avahiyên mamoste û feqeyan hene. Ji ber ku bi blokên sor hatiye avakirin, weke Medreseya Sor tê binavkirin û tirba tesawûf û şaîrê Kurd ê nav û deng Melayê Cizîrî jî li wir cih digire. Medreseya Sor yek ji navendên girîng ê perwerdê bû û di dema Mîrtiya Şerefxan û Bedirxaniyan de jî, weke navenda ilm, çand û hunerê tim dihat bi kar anîn.&nbsp;

	&nbsp;