
Yalçindag: Wergera biryara DMME’yê me pêşkêşî dadgehê kir 

2018-11-23 10:41:45


	AMED – Parêzer Reyhan Yalçindag diyar kir ku biryara DMME’yê bi rêya wergerên sondxwarî wergerandin û pêşkêşî 19’emîn Dadgeha Cezayê Giran a Enqereyê kirin û got: “Biryar eleqedar dike. Divê Demîrtaş tavilê bê berdan. Drêjkirina pêvajoyê bêhiqûqî ye.”&nbsp;

	Dadgeha Mafê Mirovan a Ewrûpayê (DMME) der barê Hevserokê Giştî yê HDP’ê yê berê Selahattîn Demîrtaş de biryara berdanê da. Parêzer Reyhan Yalçindag biryara DMME nirxand û got divê Demîrtaş tavilê bê berdan.&nbsp;

	&nbsp;

	'HIKUMET NEÇARE MIQAYETÎ BIRYARÊ BIBE’&nbsp;

	&nbsp;

	Yalçindag diyar kir ku girtina Demîrtaş a heta niha li dijî hiqûqê ye û got: “Biryara DMME’yê me piştrast kir. Dadgehê her tiştî û hûrguliyên dozên aşkere danî holê. Ji bilî şexsê Demîrtaş biryar hat dayîn ku binpêkirin li hemû maf û nirxên demokratîk hatine kirin. Biryara DMME’yê hemû dewletan girêdayî peymanê ne eleqedar dike. Hemû dewlet û hikumet neçarin miqayet bibin. Bêyî ku dem winda bibe, biryar ferman dide Demîrtaş bê berdan.”&nbsp;

	&nbsp;

	'ME BIRYARÊ WERGERAND Û PÊŞKÊŞÎ DADGEHÊ KIR’&nbsp;

	&nbsp;

	Yalçindag da zanîn ku divê piştî biryar hat aşkerekirin biketa meriyetê û wiha dewam kir: “Ji bo dadgeha cezayê giran a Enqereyê Demîrtaş ber de serlêdanek me heye. Heta niha bersivek nedane serlêdana me. Me biryara DMME’ê bi rêya wergerên sondxwarî wergerand û pêşkêşî dadgeha Enqereyê kir. Me berdana Demîrtaş daxwaz kiriye. Tirkiye rayedariya DMME’yê qebûl kiriye. Divê Tirkiye zû bi zû vê biryarê li ber çavan bigire û bêyî kul i benda pêvajoya wergerê bisekine biryara berdanê bide. Heke pêvajo bê dirêjkirin dê bêhiqûqî jî dirêj bibe.”&nbsp;

	&nbsp;

	‘SEROKOMAR NEÇARE QEBÛL BIKE’&nbsp;

	&nbsp;

	Yalçindag bi bîr xist ku Tirkiye ji 1950’î ve şanenava Peymana Mafên Mirova a Ewrûpayê (PMME) ye û got: “Tirkiye bi her awayî peymanên navnetewî qebûl kiriye, lê çibû di qonaxa îro em gihîştinê hikumet biryara DMME’yê red dike. Serokomar dibêje ku ew biryarê nas nakin û wan eleqedar nake. Hiqûq li gorî kesan nayê pêkanîn. Biryarên dadgehan herkesî eleqedar dike. Ev biryar kî dibe bila bibe her kesî eleqdar dike. Çi hikumet û çi Serokomar dibe bila bibe ev biryar ji bo her kesî derbasdar e.”&nbsp;

	&nbsp;

	DÊ KOMÎTEYA WEZÎRAN PÊVAJOYÊ BIŞOPÎNE&nbsp;

	&nbsp;

	Yalçindag destnîşan kir ku kes nikare vê viryarê piştguh bike û ji bo biryara hat dayîn dê Komîteya Wezîran a Konseya Ewropa pêvajoyê bişopîne û heke Tirkiye vê biryarê pêk neyne dibe ku heta dirêjî îxrackirina Tirkiyeyê ya ji konseyê jî bibe. Yalçindag got ev biryar yekser makeqanûna li Tirkiyeyê eleqedaer dike û hin baroyên diyar ên Tirkiyeyê piştevaniya biryarê kirin. Yalçindag anî ziman ku ew ê li gorî pêwîstiya xala 90’emîn a makeqanûnê serî li Lîjneya Dozger û Dadgeran (HSK) bidin.&nbsp;

	&nbsp;

	MA / Aydin Atay

	&nbsp;