
Li Edeneyê banga ‘hêza yekîtiyê’ ya hilbijartinê hat kirin 

2018-11-21 14:15:02


	EDENE – Înîsiyatîfa Demokrasiyê ya Edeneyê ji bo hilbijartina herêmî banga hêza yekîtiyê kir û xwest her kes li dijî bloka AKP û MHP’ê hevgirtinê pêk bîne.&nbsp;

	Înîsiyatîfa Demokrasiyê ya Edeneyê ji bo hilbijartina herêmî ya di 31’ê Adarê de dê pêk were li Şaxa Egîtîm Senê ya Edeneyê civîna çapemeniyê li dar xist. Rêveber û nûnerên ÎHD, HDP, EMEP û saziyên elewiyan û gelek kes beşdarî civînê bûn.&nbsp;

	&nbsp;

	Berdevkê Înîsiyatîfê Yaşar Gokoglu daxuyanî da û diyar kir ku ji bo hilbijartina herêmî li dijî bloka AKP û MHP’ê li Edeneyê hêza yekîtiyê ava bikin ev 2 meh dixebitin û got: “Divê em li hember bajarê xwe û birêvebirina bajarê xwe temaşeger û bêdeng nemînin. Çimkî em li vî bajarî dijîn û neçarin xwedî li bajarê xwe derkevin. Em li dijî bloka AKP û MHP’ê banga hevgirtinê dikin. Heke li Edeneyê hevgirtina demokrasiyê pêk were dê bandora xwe li ser hemû welat bike.”&nbsp;

	&nbsp;