
Erdogan 3 caran serî li DMME’yê dabû 

2018-11-21 10:58:44


	ENQERE – Serokê Giştî yê AKP’ê û Serokomar Recep Tayyîp Erdogan ê ku li dijî biryara DMME’yê ji bo Demîrtaş derket, di dema xwe de ji bo astengiyên ku siyasetê bike ji pêşiya wî rabin 3 caran serî li DMME’yê dabû.&nbsp;

	&nbsp;

	Dadgeha Mafê Mirovan a Ewrûpayê (DMME) girtina Hevserokê Giştî yê HDP’ê yê berê Selahattîn Demîrtaş nirxand û xewst Demîrtaş bê berdan. Serokê Giştî yê AKP’ê û Serokomar Recep Tayyîp Erdogan bertek nîşanî biryara DMME da û vê daxuyanî da: “Biryar me eleqedar nake, em ê li dijî vê pêngavek bidin destpêkirin û karê xwe xelas bikin.”&nbsp;

	&nbsp;

	3 CARAN SERÎ LI DMME DAYE

	&nbsp;

	Erdogan ê ku got biryar wan eleqedar nake, lê di dema xwe de bi boneya astengiyên li pêşiya wî rabin û dikaribe siyasetê bike 3 caran serî li DMME’yê dabû.&nbsp;

	&nbsp;

	Erdogan di sala 1997’an de ji ber axaftinek kiribû cezayê wî hatibû erêkirin û pişt re di sala 1999’an de bi hêceta rêgeza darizandina adilane hatiye binpêkirin serî li DMME’yê dabû.&nbsp;

	&nbsp;

	Piştî Erdogan dema mehkumiyeta xwe ya hepsê tije kir, ji bo bibe namzetê parlamenteriyê bi daxwaza qeyda sicîla edlî di 2001’an de li hiqûqa navxweyî encam negirt û li ser vê yekê di 2002’an de serî li DMME’yê dabû.&nbsp;

	&nbsp;

	Erdogan biryara Lîjneya Bilind a Hilbijartinê ku got dê Erdogan nikare bibe parlamenter jî di îlona 2002’an de bir DMME’yê û gotibû: “Di vê mijarê de heta dawiyê em ê li pey hiqûqa xwe bin û lê bigerin. Wê bi vê têkoşînê welatê min ji vê yekê rizgar bibe.”&nbsp;

	&nbsp;

	Erdogan piştî di 2003’an de bû Serokwezîr hemû serlêdanên xwe yên ji bo DMME’yê paş ve kişand.&nbsp;

	&nbsp;

	&nbsp;