
Li Îzmîrê rêveberên HDP'î dest bi greva birçîbûnê kirin  

2017-10-27 18:53:28


	ÎZMÎR - Li Îzmîrê Teşkîlata HDP'ê ya Bajêr ji bo şert û mercên tecrîda li ser Rêberê PKK'ê Abdullah Ocalan dest bi greva birçîbûnê ya bêdem û dorveger kir.&nbsp;

	Li Îzmîrê Teşkîlata HDP'ê ya Bajêr ji bo balê bikişîne ser şert û mercên tecrîda li ser Rêberê PKK'ê Abdullah Ocalan, dest bi greva birçîbûnê ya bêdem û dorveger kir. Dê komên tevlî grevê dibin du rojan careke biguherin. Piştî du rojan şûnde de dê teşkîlatên navçeyan dest bi grevê bikin.&nbsp;

	&nbsp;

	'EM BANG LI HER KESÎ DIKIN'&nbsp;

	&nbsp;

	Hevserokê HDP'ê ya Îzmîrê Mahfuz Guleryuz beriya grevê daxuyanî da û diyar kir ku ji bo prostokirina tecrîdê wan dest bi greva birçîbûnê kiriye. Guleryuz, dest nîşan kir ku ew ê hem bi greva birçîbûnê hem jî bi çalakiyên cuda tecrîdê prostesto bikin û wiha domand: "Em bang li hemû kesên hestiyar yên li Tirkiye û cîhanê dikin. Tu hêleke însanî, huqûqî û wijdanî ya tecrîda tê sepandin tune ye. Bi vê dixwazin Birêz Ocalan îzole bikin. Ji bilî polîtîkayên heyî yê tiştên cuda dibêje û projeyên cuda diafirîne tenê Birêz Ocalan e. Em dibînin ku bi tecrîda li ser Birêz Ocalan neçareserî tê kûrkirin. Em wisa difikirin ku divê demildest dawî li van polîtîkayan bên."&nbsp;