
'Arjen Arî şêrgeleyekî zimanê kurdî bû' 

2018-10-30 21:03:45


	AMED – PEN’a Kurd di 6’emîn salvegera koça dawî ya helbestvan Arjen Arî de bernameya bîranînê li dar xist. Di bîranînê de Hevserokê PEN’a Kurd Osman Ozçelîk axivî û got: “Arjen Arî şêrgeleyekî zimanê kurdî bû.”

	&nbsp;

	PEN’a Kurd bi boneya salvegera 6’emîn a koça dawî ya helbestvanê kurd Arjen Arî bernameya bîranînê li dar xist. Heval û malbata Arî ewil çûn goristana Yenîkoyê ya li navçeya Rezana Amedê ziyaret kirin û Arjen Arî bibîranîn. Pişt re jî nivîskar, malbat, hezkiriyên Arî li avahiya Şaxa 1’emîn a Egîtîm Sena Amedê bernameya bîranînê li dar xistin. Hevserokê PEN’a Kurd Osman Ozçelîk, rêveberên MED-DER’ê, malbata Arî jî di nav de gelek nivîskar, helbestvan û hezkirinê Arjen Arî tev li bernameyê bûn.&nbsp;

	&nbsp;

	&nbsp;

	‘ZIMANÊ WE ŞAL Û ŞAPIK E’

	&nbsp;

	&nbsp;

	Bername bi rêzgirtinê dest pê kir. Piştî rêzgirtinê xwişka Arî, Necla Arî ya ji Swêdê ji bo bernameyê hat axivî û destnîşan kir ku Arjen Arî kesayetekî stûna helbesta kurdî û zimanê kurdî bû û got: “Wek ku Arjen digot ‘Zimanê we şal û şapikê we ye. Bila her tim li we be.’ Ziman ji bo Arjen gelek girîng bû. Axaftin û nivîsandina kurdî ji bo wî tişta herî bi nirx bû. Ez bi van hestan wî carek din bibîr tînim.”

	&nbsp;

	&nbsp;

	Piştî axaftina Necla Arî, sînevîzyonaeke der barê Arjen Arî de hat pêşandan.

	&nbsp;

	&nbsp;

	‘ARJEN ARÎ ŞÊRGELEYEKÎ ZIMANÊ KURDÎ BÛ’

	&nbsp;

	&nbsp;

	Dû re Hevserokê PEN’a Kurd Osman Ozçelîk axivî û diyar kir ku pirsgirêka herî mezin a gelê kurd bênetewîbûn e û wiha got: “Ji bo yekîtiya neteweyî em xwedî li nirxê xwe derkevin. Ji van nirxana ya herî mezin zimanê me ye. Helbestvan, çîrokbêj, nivîskar û dengbêjên me her tim zimanê me zindî hiştin e û li pêş xistin e. Lazim e em her tim li van helbestvan û nivîskarên xwe yên hêja xwe xwedî derkevin. Arjen Arî ji bo zimanê kurdî kedek pir mezin da. Arjen Arî şêrgeleyekî zimanê kurdî bû.”

	&nbsp;

	&nbsp;Piştî axaftina Ozçelîk nivîskar û helbestvanê bi Arjen Arî hevaltî û dostaniyê kiribûn, bîranînên xwe vegotin.

	&nbsp;

	Koma muzikê ya MA Muzîkê jî stran gotin. Bername bi xwendina helbestên Arî ya endamên Koma Helbestê ya Amedê bi dawî bû.

	&nbsp;

	&nbsp;

	&nbsp;

	&nbsp;