
HDP’ê li Meletiyê civîna amakedariya hilbijartina herêmî pêk anî

2018-10-25 16:26:58


	MELETÎ - Endamê Meclîsa HDP’ê Îzzet Karadag di civîna amadekariya hilbijartina herêmî de axivî û got: “Em ê di hilbijartinê de, daxwazên aştiyê, demokrasiyê, azadî û jiyanek wekhev ên civakê esas bigirin. Ji bo van daxwazên bingehîn ên civakî emê bixebitin.”

	Rêxistina Partiya Demokratîk a Gelan (HDP) a Meletiyê, &nbsp;derbarê xebatên kongreya li ser bixin û xebatên hilbijartina herêmî de, civîna amadekariyê pêk anî. Civîn li avahiya partiyê hat lidarxistin, rêveber û endamên partiyê beşdarî civînê bûn. Endamê Meclîsa Partiyê (PM) îzzet Karadag di civînê de axivî û diyar kir ku divê ew bi awayekê bi hêz beşdarî hilbijartina herêmî bibin.&nbsp;

	&nbsp;

	‘EMÊ HEMÛ ŞAREDARIYAN PAŞVE BIGIRIN’

	&nbsp;

	Karadag, anî ziman ku di pêvajoyek pir zor de amadekariyên hilbijartina herêmî dikin û wiha got: “Nêzîkatiya HDP’ê ya bingehin ewe ku di hilbijartina herêmî de, daxwazên aştiyê, demokrasiyê, azadî û jiyanek wekhev ên civakê esas girtine. Ji bo van daxwazên bingehîn ên civakî em ê bixebitin.

	Polîtîkayên HDP’ê ligel hemû astengî û êrîşan jî, dinava civakê de xwedî girîngiyek mezin e. Ji ber vê rola HDP’ê ya di hilbijartina herêmî de pir girînge. Hedef û armancên me yên amadekariyên hilbijartina herêmî pir mezin in. Berî her tiştî em ê şaredariyên xwe ji destên qeyûman derbixin û şaredariyên nû li şaredariyên xwe zêde bikin. Hedefa me ya sereke eve.”

	&nbsp;

	Piştî axaftina Karadag, civîn bi nîqaşan berdewam kir û dûre bi dawî bû.&nbsp;

	&nbsp;