‘Çareseriya Neteweya Demokratîk’ dê li Amedê bê nîqaşkirin

2018-10-25 13:26:31


	AMED - Li ser banga nûnerên rêxistinên civaka sîvîl û siyasetmedaran, dê li Amedê, “Konferansa Çareseriya Neteweya Demokratîk û Krîza Rojhilata Navîn” bê lidarxistin. 

	Li Amedê, dê li ser banga nûnerên rêxistinên civaka sîvîl û siyasetmedaran, “Konferansa Çareseriya Neteweya Demokratîk û Krîza Rojhilata Navîn” di 27 û 28’ê Cotmehê de, bê lidarxistin. Konferans dê li Salona Konferansê ya Otela Demîr a navçeya Sûrê pêk bê û 2 rojan berdewam bike. Di konferansê de, dê li ser pirsîn “Divê çi bê kirin, çawan bê kirin û ji ku derê bê destpêkirin?” nîqaş bên kirin.  

	 

	BANGAWAZÊN KONFERANSÊ

	 

	Navên komên ji bo konferansê bangawazî kirin wihane: “Siyasetmedarê Kurd Ahmet Turk, Koordînatora Navenda Lêkolînin Siyasî û Civakî (SAMER) Yuksel Genç, Hevseroka Giştî ya Komeleya Mafê Mirovan (ÎHD ê Prz. Eren Keskîn, Hevseroka Giştî ya Partiya Herêmên Demokratîk (DBP) a girtî Sebahat Tuncel, Parlamenterê Partiya Demokratîk a Gelan (HDP) a Amedê Îmam Taşçıer, Aktîvîsta Tevgera Jinên Azad (TJA) Ayşe Gokkan, Endamê Şandeya Îmralî û Parlamenterê HDP’ê yê berê Sirri Sureyya Onder, Parlamenterê HDP’ê yê berê Ertugrul Kurkçu, Parêzer Îbrahîm Bîlmez, Hevserokê Komeleya Elewiyên Demokratîk (DAD) Mûsa Kulu û Serokê Federasyona Komeleya Suryaniyan Evgîn Turker.