ROJEVA 14'Ê COTMEHA 2018'AN

2018-10-14 09:00:01


	 

	* Parlementerê HDP'ê û parêzerê Rêberê PKK'ê Abdullah Ocalan Mensûr Işik got: "Biryara DMME'yê ya der barê Ocalan de li hemberî aştiyê darbeyek e."

	 

	* Seroka Giştî ya EMEP'ê Selam Gurkan diyar kir ku beriya hilbijartinên herêmî dê hikûmet di çewisandinên siyasî de istar bike û got: "Operasyonên binçavkirinê û girtinên li tevahiya welat nexşerêya hikûmetê derxistiye holê."  

	 

	* Li Cizîrê zarokê bi navê E.G. ku ji bo şekir top bike çû mala qeymeqam û kûçikê li baxçe ew gez kir, derûniya wî xirab bû. Malbatê xwe berpirsiyar bên darizandin.

	 

	* Li Êlihê ji ber petrolê û şewitandina firêzeyan hewaya bajêr pir qiêrjî bûye û ev yek tesîreke zêde li tenduristiya mirovan dike. 

	 

	* Mehmet Ocalan, birayê Rêberê PKK'ê Abdullah Ocalan, biryara dawî ya DMME'yê ya der barê Ocalan de û tecrîdkirina wî de axivî û got: "Çi dikin bila bikin, carekê gelên Rojhilata Navîn û rêberê xwe bûne yekpare. Çawa 9'ê Cotmehê û komployên navnetewî hatin pûçkirin, dê polîtîkayên tecrîdkirinê jî bên pûçkirin." 

	 

	Endamê Navendî yê Eniya Rizgariya Gel a Filistinê Abu Ali Hasan, diyar kir ku dawiya dawî dê gelê kurd mafê xwe bi dest bixe. Hasan, da zanîn ku rizgariya gelên Rojhilat bi têkoşîna hevpar a gelan pêkan e. 

	 

	* Rojnamevan Kenan Kirkaya, binçavkirina rojnamevanan û girtina hin rojnamevanan nirxand û got: "Li Tirkiyeyê çapemeniya kurd tim rûberûyê êrîşên îktîaran tê. Rojnamevan tên revandin, tên îşkencekirin lê dîsa jî rêwîtiya ji bo heqîqetê nehat sekinandin." 

	 

	* Baroya Amedê dê di kongreya 46'an de hilbijartina rêveberiya xwe pêk bîne. (09.00)

	 

	* Parlamenterên herêmê yên HDP'ê dê operasyona li dijî siyasetmedar û rojnamegeran ku di 9'ê Cotmehê de pêk hat û Hevserokê HDP'ê yê Amedê Şerif Çamci jî di navde 25 kes hatin girtin dê li avahiya HDP'ê ya Amedê civîna çapemeniyê pêk bîne. (11.00)

	 

	* Meclîsa Ciwanan a Partiya Demokratîk a Gelan (HDP) dê bi hişyariya “Em xwe bi rêxistin bikin azad bibin", li herêma Konferansa Ciwanan a Herêma Çukurovayê li avahiya HDP'ê ya Seyhanê civînê pêk bîne. (12.00)

	 

	* Rojên Wêjeya Beravirdî ya Amedê dê bi panelan bidome. Piştî nîvro dê panelên bi navê "Anotomiya Wêjeya Kurd" û "Di navbera dîwanan de ji Wêjeya Rojhilat Melayê Cizîrî û Hafız Şîrazî" bên pêşkêşkirin. 13.00-16.00)

	 

	* Malbata Kadrî Bagdu ku 4 sal berê li Edeneyê hat kuştin, dê li ser gora Bagdu, wî bibîr bînin. (15.30)