
Li Cûdî xwezayê qetil dikin 

2018-10-12 10:23:28


	ŞIRNEX - Santrala Termîk a Sîlopî ya girêdayî Koma Cîner, bi salane bi rêbazên kargeriya madena vekirî asfaltê derdixe û xwezaya herêmê Çiyayê Cûda qetil dike. Ji ber karkeriya madenê, du girên herî mezin ên herêmê tune dibin.&nbsp;

	Li navçeya Sîlopî ya Şirnexê, Koma Cîner a nêzî hikumetê tê zanîn a kargeriya santrala termîkê dike, dibin navê “Faliyetên madenvaniyê” de, li herêma Ciyayê Cûdî dibe sedama rûxandina xwezayê. Ji bo qada madenê ya santrola termîkê ya dinavbera bajarokên Bêspîn û Gîte yên navçeyê de, her sal di encama operasyonên leşkerî de, şewatên mezin rû didn û du girên herî mezin ên Çiyayê Cûdî bi tunebûnê re rû bi rû ne.&nbsp;

	&nbsp;

	BI HEZARAN DAR BIRÎN&nbsp;

	&nbsp;

	Li ser her du girên Çiyayê Cûdî, di dawiya sala 2008’an de falîyetên madenvaniyê hatin mezin kirin û heya roja îro bi hezaran dar hatin birîn û qadên jiyana zindiyan hatin tunekirin. Ji madenê asfalta &nbsp;dişibe komir û petrola jêderk sotemeniyê tê derxistin. Taşeronên herêmî û rayedarên AKP’ê bi hevre vî karî dikin.&nbsp;

	&nbsp;

	QADA MADENÊ BERFIREH DIKIN&nbsp;

	&nbsp;

	Di karê madene de bi sedan kamyon û kepçan didin kar kirin û her roja diçe qada madenê berfirehtir dikin. Li qada madenê tim dînamîtan diteqînin, hemû toz û dûmana teqînê welatiyên gundên derdorê bandor dike.&nbsp;

	&nbsp;