
Egîtîm Senê: Bila astengiyên li dijî perwerdeya zimanê dayîkê rabe

2018-09-17 15:22:43


	&nbsp;

	NAVENDA NÛÇEYAN - Egîtîm Senê, derbarê perwerde û hindekariya sala 2018 û 2019’an de, li gelek qadan çalakî li darxist û peyama “Bila astengiyên li dijî perwerdeya zimanê dayîkê rabe û perwerdeyek bêpere, demokratîk, zanist û bi kalîte bê dayîn” da. &nbsp;

	&nbsp;

	Sendîkaya Kedkarên Zanistî û Perwerdehiyê (Egîtîm Sen),&nbsp; derbarê perwerde û hîndekar4iya sala 2018 û 2019’an de lig elek qadan çalakî pêk anî.&nbsp;

	&nbsp;

	EDENE &nbsp;

	&nbsp;

	Şaxa Egîtîm Sena Edeneyê, li avahiya şaxa xwe bi heman armancê civîna çapemeniyê li dar xist. Seroka Şaxa Egîtîm Sena Edeneyê Seçîl Sonmez, di civînê de axivî û diyar kir ku di sala nû de perwerdehiyek bêkalîte û bêzanist li benda wane.&nbsp;

	&nbsp;

	‘DIBISTAN BÛNE WEKE BAREGEHÊN LEŞKERÎ’&nbsp;

	&nbsp;

	Sonmez, da zanîn ku dibistan û zanîngeh veguherandine baregehên leşkerî û girtîgehan. Sonmez, di dawiya axaftina xwe de wiha got: “Em dixwazin baş bê zanîn ne emê û ne jî malbatên xwendekarên me dê teslîmê vê tabloya reş bibin. Di hindekariya îsal de jî, emê ji bo &nbsp;maf û xwendekarên xwe bi hêzeke rêxistinkirî pirsgirêk û daxwazên xwe bi dengek bilind daxwaz bikin.”

	&nbsp;

	WAN

	&nbsp;

	Şaxa Egîtîm Sena Wanê jî, Li Parka Feqiyê Teyran daxuyaniyê da çapemeniyê. Kedkaran pankarta “Emê bêdeng nemînin” kirin destên xwe û li ser navê komê Serokê Şaxê Bedrî Yamaç daxuyanî da. Yamaç, diyar kir ku divê perwerdya zimanê dayikê, bêpere, demokratîk, zanist, laîk û bi kalîte bê dayîn. Yamaç, da zanîn ku ewê ji bo perwerdeya zimanê dayikê, demokratîk, zanist, laîk û bi kalîte dê têkoşîna xwe zêdetir bikin.”