
Operasyona li Hezo 14 rojin berdewam dike

2018-09-13 10:08:22


	&nbsp;

	ÊLIH - Li çoltera Hezo, operasyona piştî pevçûna berî demek dirêj rû dabû hatibû destpêkirin, bênavber berdewam dike.

	&nbsp;

	Li nêzî rawestgeha Gazê Topê yê navçeya Hezo ya Êlihê, di 31’ê Tebaxê de, pevçûn dinavbera leşker û HPG’iyan de derketibû û di pevçûnê de 2 leşker û HPG’iyekê jiyana xwe ji dest dabûn. Piştî pevçûnê li herêmê operasyonek mezin hatibû destpêkirin. Operasyon li nêzî herêmên Zengoviyê, Hafîkê, Seyîthafê, gundên çolterên herêmê Tîmok û Mûşrîta, li gundên deştê yên Reşêdara, goma Gundê Nû, gundên Dêrşewan û Ceznê hatibû destpêkirin.&nbsp;

	&nbsp;

	Yekîneyên leşkerî yên ji Êlih û Bedlîsê anîbûn, cerdevan û yekîneyên taybet ên herêmê cihê xwe di operasyonê de digirin. Di rojên destpêkê yên operasyona di 31’ê Tebaxê de hatibû destpêkirin, gelek daristanên herêmê hatibûn şewitandin û leşkeran bi ser hin gundan de girtibûn.&nbsp;

	&nbsp;

	Operasyon bi rojane bênavber berdewam dike. Ablukeya li ser qadên çolter, gundên derdorê û di serî de jî li ser gundê Zengoviyê berdewam dike. Dîsan li gundê Reşêdara û goma Gundê Nû bênavber maşiyên leşkerî digerin. Helîkopter dem bi dem li herêmê digerin û hat diyar kirin ku cerdevan û yekîneyên taybet ên beşdarî operasyonê bûne, herî zêde wesayîtên sîvîl bikar tînin.&nbsp;

	&nbsp;