
Polîsan dîsan Dayikên Şemiyê asteng kirin 

2018-09-08 12:38:27


	&nbsp;

	STENBOL - Polîsan vê heftê jî, çalakiya Dayikên Şemiyê ya 23 salin li aqûbeta windakiriyên xwe digerin asteng kirin. Dayîk û xizmên windakiriyan ên xwestin biçin Qada Galatasarayê ya her hefte daxuyaniyê lê didin, polîsan destûr nedan wan. &nbsp;

	&nbsp;

	Dayikên Şemiyê yên ji bo aqobeta windakiriyên xwe yên ji aliyê hêzên dewletê ve hatin kuştin bipirsin û daxwaza darizandina besûcan her heftê li Qada Galatasarayê kom dibin, xwestin çalakiya xwe ya hefteya 702’yemîn pêk bînin, lê rastî astengiya polîsan hatin. &nbsp;

	&nbsp;

	ABLUKEYA POLÎSAN&nbsp;

	&nbsp;

	Ji ber ku Qeymeqamtiya Beyoglu çalakiya Dayikên Şemiyê qedexe kir, polîsan Kolana Îstîklalê kirin ablukê. Hin rêyên diçûn Qadên Galatasarayê hatin girtin. TOMA li ser rêyan hatin bicihkirin û Midûryeta Polîsan a Stenbolê daxuyanî da ku wan hin Kolanên diçin Îstîklalê girtine.&nbsp;

	&nbsp;

	DESTÛR NEDAN MEŞÊ&nbsp;

	&nbsp;

	Dayikên Şemiyê, Xizmên Windakiriyan, Mirovên Şemiyê, parlamenterên Partiya Demokratîk a Gelan (HDP) Ahmet Şık, Garo Paylan, Zuleyha Gulum, Alî Kenanoglu û Hevseroka Giştî ya ÎHD’ê Eren Keskîn ên li ber avahiya Şaxa Komeleya Mafê Mirovan a (ÎHD) Stenbolê kom bûn, xwestin heya Qada Galatasarayê bimeşin. Polîsên ku li ber Kolana Deriyê Parka Mezin a Cadeya Îstîklalê pêşiya girseyê girtin, destûr nedan biçin qadê.&nbsp;

	&nbsp;

	Dayikên Şemiyê di çalakiya hefteya 700'emîn de rastî tundiya polîsan hatibûn û di ya hefteya 701'emîn de jî polîsan destûr nedabûn Dayikên Şemiyê bikevin Qada Galatasarayê û çalakiya xwe pêk bînin. Dayikên Şemiyê û Xizmên Windakiriyan li ser vê yekê, daxuyaniya xwe ya heftane li Kolana Derî ya Parka Mezin lidarxistibû.&nbsp;