Desteya Rêveber a TEV-DEM'ê hevserokên xwe hilbijartin 

2018-08-27 19:46:57


	 

	QAMIŞLO - Kongreya TEV-DEM‘ê ku li Bakurê Sûriyeyê pêk hat, Hevserokên xwe yên nû hilbijartin. Beşdaran ji bo hevserokatiya TEV-DEM'ê Zelal Ceger û Xerîb Hiso hilbijartin. 

	 

	Desteya Rêveber a TEV-DEM'ê bi dirûşma "Bi civaka birêxistinkirî û azad serkeftin mîsoger dibe" kongreya sêyemîn a  TEV-DEM`ê li navenda Çand û Hunerê ya Aram Tîgran a li bajarokê Rimêlan a kantona Qamişlo pêk anîn. 

	Piştî axaftinên beşdaran û nirxandinên xebatên tevgerê, ji bo hilbijartina hevserokên nû yên tevgerê dengdan pêk hat. Bi piraniya dengan, Zelal Ceger û Xerîb Hiso bûn hevserokên Desteya Rêveber a TEV-DEM‘ê. Hevserokên TEV-DEM'ê yên berê Asya Abdullah û Aldar Xelîl erka xwe dewrî hevserokên nû kir.