
Di 2011’an de dîtin di 2018’an de nedîtin 

2018-08-26 10:50:02


	&nbsp;

	ENQERE - Tundî û êrîşa polîsan a li dijî Dayikên Şemiyê rojnameya Yenî Yaşam, Evrensel, Bîrgun, Cumhurîyet û Sozcu dîtin û kirin manşetên xwe. Lê rojnameyên din ku nêzî hikûmetê ne cih nedan êrişa polîsan a li dijî Dayikên Şemiyê. Rojnameyên ku niha êrişa polîsan nedîtin, di 2011'an de dema dayikan Serokomar Erdogn ziyaret kir cihekî fireh dabûn hevdîtinê.&nbsp;

	&nbsp;

	Dayikên Şemiyê di hefteya 700’an de xwestin çalakiya xwe ya li Qada Galatasarayê berdewam bikin. Lê polisan li ser fermana Wezîrê Karên Hundir Suleyman Soylu destûr neda û êrîşî çalakiya dayikan kir. Polîsan di êrîşa duh de 47 mirovên Şemiyê binçavkirin. Rojnameyên nêzî hikûmeta AKP’ê qet cih nedan êrîşa polîsan û çalakiya dayikan. Tenê Rojnameyên Yenî Yaşam, Cumhuriyet, Evrensel û Bîrgun di manşetên xwe de cih dan êrîşa polîsan û çalakiyên dayikank. Rojnameyên din qet cih nedan.&nbsp;

	&nbsp;

	ROJNAMEYÊN KU MUDAXALEYA POLÎSAN KIRIN MANŞET WIHA CIH DA BÛYERÊ:&nbsp;

	&nbsp;

	YENÎ YAŞAM: EV QAD AWÊNEYA WE YE

	&nbsp;

	Rojnameya Yenî Yaşam cih da wêneyê dayika Hasan Ocak Emine Ocak ku di sala 1997'an de hat binçavkirin û niha hat binçavkirin û bi manşeta “Ev qad awêneya we ey" çap kir.&nbsp;

	&nbsp;

	EVRENSEL: &nbsp;DI HEFTEYA 700'EMÎN DE RÛYÊ DEWLETÊ YÊ NEHAT GUHERTIN

	&nbsp;

	Rojnameya Evrenselê jî dîsa cih da herdu wêneyan û bi maşeta “Di hefteya 700'emîn de ruyê dewletê yê nehat guhertin" çap kir.&nbsp;

	&nbsp;

	BÎRGUN: DAYIK DI BIN PIYÊ DEWLETÊ DE NE

	&nbsp;

	Rojnameya Bîrgun jî bi manşeta “Dayik di bin piyê dewletê de ne" derket û bal kişand ser tundiya polîsan.&nbsp;

	&nbsp;

	CUMHURIYET: ZILMA KU HEQEDIYA Û BERXWEDANA KU NE QETIYA&nbsp;

	&nbsp;

	Rojnameya Cumhuriyetê jî bi manşeta “Zilma ku ne qediya û berxwedana ku ne qetiya" derket.&nbsp;

	&nbsp;

	Rojmameya Sozcu jî cih da nûçeya Rojnameger û parlamenterê CHP'ê Enis Berberoglu got “Li Tirkiye tiştekî hatiye guhertin tune" û wêneyê Emine Ocak kir manşet.&nbsp;

	&nbsp;

	Di medya nêzî hikûmetê de tenê rojnameya Hurriyet cih da çalakiyê û wekî kurtenûçeyekê di jêra rojnameyê de cih dan.&nbsp;

	&nbsp;

	DOLMABAHÇE DÎTIN LÊ GALATASARAY NEDÎTIN

	&nbsp;

	Rojnameyan di 5'ê Sibata 2011'an de ziyareta dayiken Şemiyê ya bi Erdogan re ku li Dolmabahçe pêk anîn kirin manşet. lê niha êrîşa polîsan a li Qada Galatasarayê nedîtin û nekirin manşet.&nbsp;

	&nbsp;