
HDP'ê bi gel re cejn pîroz kir

2018-08-22 16:33:35


	&nbsp;

	ENQERE / SÊRT - Parlamentera HDP’ê Huda Kaya ya li navenda giştî ya partiyê bi gel re cejn pîroz kir, diyar kir ku desthilatdaran bi sedsalane pîroziyên gel îstîsmar dike û got: “Desthilatdar bi vî awayî seltenata xwe berdewam dikin.” &nbsp;

	&nbsp;

	Rêveberên Partiya Demokratîk a Gelan (HDP) li avahiya Navenda Giştî bi gel re cejn pîroz kirin. Parlamentera Stenbolê Huda Kaya, parlamenterê Edeneyê Kemal Pekoz û endamê PM’ê Alî Ozkan beşdarî pîrozbahiyê bûn. Huda Kaya piştî pîrozkirina cejna gel, axaftinek kurt kir û got: “Em ê tu carî rê nedin ferasetên îstîsmarkar ên desthilatdaran.”&nbsp;

	&nbsp;

	‘PÎROZIYÊN GEL TÊN ÎSTÎSMARKIRIN’

	&nbsp;

	Kaya, anî ziman ku hemû rêyên heqîqetê li gel girtin û wiha bilêv kir: “Ger heqîqet neyê zanîn, dûrbûn pêş dikeve. Desthilatdar bi sedsalane ji bo seltenata xwe pîroziyên gel îstîsmar dikin. Çi dema ku hesret û dûr bûn bi dawî bûn, wê demê emê bi awayekê keyfxweş cejnan pîroz bikin.”

	&nbsp;

	HDP ‘SÎWANA HEVBEŞE’

	&nbsp;

	Parlamenterê Edeneyê Kemal Pekoz jî, diyar kir ku di demên dawî de li ser HDP’ê hin nivîs û nûçe di çapemeniyê de tên weşandin û wiha bilêv kir: “Hemû kes jî dizanîn HDP partiya siwanê ya hevbeşe. Li dijî hemû hewldanên li ser partiya me, divê em li her derê behsa felsefeya partiya xwe hevpar bikin.”

	&nbsp;

	LI SÊRTÊ JÎ CEJIN HAT PÎROZKIRIN&nbsp;

	&nbsp;

	Rêxistina HDP’ê ya Sêrtê jî, li avahiya partiyê bi gel re Cejna Qûrbanê pîroz kir. Parlamenterên HDP’ê yên Sêrtê Meral Daniş Beştaş, Mehmet Siddik Taş, hevserokên HDP’a bajêr Serdar Batûr û Ayşe Ekîncî beşdarî bernameya pîrozbahiyê bûn. Di bernameyê de cejna welatiyan hat pîroz kirin û şekir pêşkêşî gel hat kirin. Piştî bernameya pîrozbahiya, Beştaş û Taş çûn serdana malbatan.&nbsp;

	&nbsp;