
Cenazeyê girtiyê nexweş Aytek hat definkirin

2018-08-06 16:30:00


	AMED – Cenazeyê girtiyê nexweş Selahattîn Aytek ê li nexweşxaneyê dihat dermankirin û vê sibehê jiyana xwe ji dest da hat definkirin.&nbsp;

	Cenezeyê girtiyê nexweş Selahattîn Aytek ê ji ber nexweşîna Herediter Spastik Paraparezi (HSP) di îlona 2015’an de hatibû berdan û li nexweşxaneyê derman dibû jiyana xwe ji dest da, li Goristana Yenîkoyê hat definkirin. Malbatê cenaze ji nexweşxaneyê wergirt û anî mizgefta Goristana Yenîkoyê ya Rezana Amedê wecîbeyên alî anî cih. Parlamenterên HDP’ê yên Amedê Remziye Tosun, Salîha Aydenîz, Musa Farisogullari û Hişyar Ozsoy, rêveberên HDP û DBP’ê yên Amedê û nûnerên saziyên civakî yên sivîl tev li merasîma cenaze bûn.&nbsp;

	&nbsp;

	Piştî definkirina cenaze, Hevserokê HDP’a Amedê Mehmet Şerîf Çamci axivî û got: “Hevalê me Selahattîn ji ber şertên giran ên girtîgehê jiyana xwe ji dest da. Ne şehîdê malbatê bi tenê ye, şehîdê hemû Kurdistanê ye. Em ê xwedî li têkoşîna wan derkevin. Bila malbata me serbilind be. Şehîd namirin.”&nbsp;

	&nbsp;

	Piştî karê definkirinê girse ji ser goristanê belav bû. Dê şîna Aytek li Mala Şînê ya Licê ya li navçeya Rezan bê qebûlkirin.&nbsp;

	&nbsp;

	&nbsp;