
Hemama Artuklu ya dîrokî ji cihê wê barkirin 

2018-08-06 13:04:25


	&nbsp;

	ÊLIH – Li Heskîfê Hemama Artuklu ya 650 salî bi boneya dê di binê ava Bendava Ilisû de bimîne veguhestin Heskîfa Nû ya ji aliyê TOKÎ ve hatiye çêkirin.&nbsp;

	&nbsp;

	Li navçeya Hesîfê ya Êlihê Hemama Artuklu ya 652 salî ku bi qasî giraniya 500 tonî ye, bi boneya di bin ava Bendava Ilisû de nemîne bi amûra “SPMT” a 256 tekerê wê hene hat veguhestin. Hemamê veguhestin Parka Çandî ya Heskîfa Nû ya ji aliyê TOKÎ’yê ve hatiye çêkirin. Veguhestinê nêzî 3 saetan dom kir. Hemamê birin kêleka Turbeya Zeynel Beg a ku par veguhestibûn Heskîfa Nû.&nbsp;

	&nbsp;

	Ji bo veguhestina Hemamê merasîm pêk hat û leşker û polîsan tedbîrên zêde girtin. Ji bilî xebatkar û protokola fermî kes tev li merasîmê nebû. Wezîrê Çandinî û Daristanê Bekîr Pakdemîrlî jî tev li merasîmê bû.

	&nbsp;

	Li aliyê din beriya Hemamê vebiguhezên hin welatî hatin ber hemamê û tirbeyê wêneyan kişandin.&nbsp;

	&nbsp;