
Rojnameger Adnan Bîlen derket pêşberî dadger 

2018-07-19 14:07:03


	&nbsp;

	WAN – Rojnameger Adnan Bîlen ê bi îxbara Şaredariya Bajarê Mezin a Wanê ku qeyûm tayînê kirine hat gilîkirin bi îdiaya “Propaganda rêxistinê kiriye” di çarçoveya dozê de derket pêşberî dadger.&nbsp;

	&nbsp;

	Rojnameger Adnan Bîlen ê ji Şaredariya Bajarê Mezin a Wanê hat îxrackirin, derket pêşberî dadger. Şaredariyê qeyûm birêve dibe îxbara Bîlen kir û dadgehê bi îdiaya “Propagandaya rêxistinê kiriye” doz lê vekiribû. Danişîna ewil a doza Bîlen li 2’yemîn Dadgeha Cezayê Giran a Wanê hat dîtin. Bîlen û parêzerê xwe Serokê Baroya Wanê Murat Tîmur tev li danişînê bûn.&nbsp;

	&nbsp;

	Bîlen mafê axaftinê girt û sûcdariyên li dijî xwe red kir. Bîlen destnîşan kir ku sûcê li ser wî ji ber parvekirinên medya civakî yên bi salan berê ne û gelek parvekirinên nekiriye jî wek delîltiya sûc di dosyeyê de bi cih kirin e.&nbsp;

	&nbsp;

	Parêzer Murat Tîmur jî anî ziman ku gelek parvekirinên medya civakî yên li dosyeyê bar kirine ne yên miwekîlê wî ne û ji ber vê yekê xwest lêkolîna parvekirinan bê kirin.&nbsp;

	&nbsp;

	Dadgeha pişt re biryara xwe da û ji bo lêkpirsîna dosyeyê danişînê taloqî 6’ê kanûnê kir.&nbsp;

	&nbsp;