
Li Şemrexê pevçûn: Karkerên TPAO’yê şandin kifşa operasyonê

2018-07-17 16:46:23


	AMED – Li herêma Çemê Reş a navçeya Şemrexê leşkeran operasyona leşkerî da destpêkirin û pevçûnên dijwar diqewimin. Hat ragihandin karkerên TPAO yên li herêmê li petrolê digeriyan bi cerdevanan re pêşiya operasyonê şandine kifşa eraziyan.&nbsp;

	&nbsp;

	Li çoltera herêma Çemê Reş a navçeya Şemrexê ya Mêrdînê pêr leşkeran operasyon dabû destpêkirin. Du roj in operasyon didome û bi operasyonê re pevçûnên dijwar diqewimin. Li gorî çavkaniyên herêmî ragihandin duh bi şev pevçûnên dijwar qewimîn û mirî û birîndar hene. Çavkaniyan diyar kir ku mirî û birîndaran bi ambulansan rakirine nexweşxaneyên li Amedê.&nbsp;

	&nbsp;

	BI KARKERÊN PETROLÊ KIFŞA ERAZÎ DIKIN&nbsp;

	&nbsp;

	Çavkaniyan anî ziman ku beriya operasyonê cerdevanên gundan ji bo kifşê şandine herêmê û xebata lêgerîna petrolê ya karkerên taşeron a di bin banê Hevkariya Anonîm a Petrolên Tirkiyeyê (TPAO) de dixebite ji aliyê leşkeran ve hatiye rawestandin. Çavkaniyan got karkerên petrolê jî bi cerdevanan re beriya operasyonê şandine kifşa eraziyan.&nbsp;

	&nbsp;

	Hat zanîn ku li herêmê operasyon didome û dem bi deman pevçûn diqewime.&nbsp;