
Li Dîlokê sahreya esnafan dest pê kir 

2018-07-14 09:12:17


	&nbsp;

	DÎLOK – Li Dîlokê sahreya esnafan dest pê kir. Bi sedan sal berê rêxistinên pîşeyî ji bo lihevkirin û perwerdekirina esnafan 'sahreya esnafan hat destpêkirin û ev yek niha jî didome û ji aliyê esnafan ve weke betlaneya şexsî tê nirxandin.&nbsp;

	&nbsp;

	Li Dîlokê sahreya esnafan dest pê kir. Bi sedan sal berê sahre ji aliyê yekîneyên pîşeyî bi mebesta lidarxistina hin çalakiyên şahiyî, ji bo xurtkirina yekîtiyê, ji bo betlaneya xebatakran û perwerdehiya pîşeyî sahre hat sepandin. Lê belê her ku çû ev yek veguherî betlaneya fermî ya esnafan. Esnafên li bajêr di dîrokên cuda de dikanên xwe de digirin û betlaneyê îlan dikin.&nbsp;

	&nbsp;

	SAHREYA ESNAFAN ÊDÎ BÛYE BETLANEYA FERMÎ&nbsp;

	&nbsp;

	Berê rêxistinên pîşeyî di dema sahreya esnafan de şahiyên cur bi cûr û çalakiyên perwerdehiyê li dar dixistin. Ev yek ji bo esnaf li hev bikin û ji bo xurtkirina yekîtiya wan dihat kirin. Lê belê niha sahreya esnafan veguheriye "betlaneya fermî". Ji dêvla ku di dema sahreyê de esnaf bên gel hev, herkes weke betlaneyeke şexsî dinirxîne û ji wê xwemaliya xwe ya berê dûr ketiye. Lê belê her çend dûr ketibe jî bi awayekî didome.&nbsp;

	&nbsp;

	KÎ DIKANA XWE VEKE CEZA LÊ TÊ BIRÎN&nbsp;

	&nbsp;

	Li gor komên pîşeyî sahre dest pê dike. Her kom dîrokekê ji xwe re diyar dike û dest bi sahreyê dike. Dema sahreya esnafan di navbera 1-3 rojan de diguhere. Di nav komên esnafan de kî li gorî pîvanê tev negere û dikana xwe veke, li gorî edeta sahreyê ceza lê tê birîn.&nbsp;

	&nbsp;

	Li Kooperatîfa Sîteya Sanayiya Biçûk (KUSGET) îsal 11 komên pîşeyî ji bo 3 rojan sahre dan destpêkirin û komên din jî li benda rojên xwe ne.&nbsp;