
Rojnamegerek ceza kirin û rojnamegerek beraet kirin

2018-07-13 13:45:02


	&nbsp;

	AMED - Danişina doza rojnameger Barış Barıştiran, Cigerxwin Înce, &nbsp;Serdar Altan û Fuat Yaşar ku bi sedema parvekirinên hesabê medya civakî doz li wan hatibû vekirin, li 9'emîn Dadgeha Cezayên Giran a Amedê hat dîtin. Dadgehê der barê Fuat Yaşar de biryara beraêtê û der barê Serdar Altan de jî 1 sal û 6 meh cezayê girtîgehê birî.&nbsp;

	&nbsp;

	Rojnameger Barış Barıştiran, Cigerxwin Înce, &nbsp;Serdar Altan û Fuat Yaşar, bi sedema di hesabê medya civakî de nûçe parve kirine, bi îdîaya "Propaganda rêxistinê kirine" doz li wan hatibû vekirin. Dozger ji salekê heta 5 salan ceza ji wan dixwest. Danişîna dozê li 9'emîn Dadgeha Cezayên Giran a Amedê hat dîtin. Di danişîna doza der bare Yaşar de, Yaşar û parezerên xwe li salonê amade bûn. Berdevkê Înîsiyatifa Rojnamegerên Azad (ÎRA) Hakkı Boltan jî doz şopand. Pişti Yaşar û parêzeran parastin kir diyar kirin ku di çarçoveya azadiya ramanê de mafê xwe bikar anîne. Parêzerê Yaşar beraata Yaşar xwest. Heyeta dadgehê jî der barê Yaşar de biryara beraetê da.&nbsp;

	&nbsp;

	Danişîna doza Rojnameger Serdar Altan jî li heman salonê hat dîtin. Altan û parêzerên xwe li salonê amade bûn. Berdevkê Înîsiyatifa Rojnamegerên Azad (ÎRA) Hakkı Boltan jî amade bû. Piştî îdîaname hat xwendin Altan parastin kir û diyar kir ku piraniya parvekirinên wî li ser nûçeyan e. Rojnameger sucdariya der barê xwe de qebûl nekir û wiha got: "Ez rojnameger im. Parvekirinên min naveroka wan a nûçeyan e. Ez beraeta xwe dixwazim. Piştre dozger ceza xwest. Dozger ji ber 2 parvekirinên 2015'an ku wêneyên endamên YPG'ê parvekirinebûn bi îdîaya "propaganda rêxistinê kiriye" ceza xwest. Parêzerê Serdar Altan Serdar Çelebî jî parastin kir û diyar kir ku ne bi armanca propaganda ye û di çarçoveya azadiya ramanê de agahî parve kirine. Serdar Çelebî beraeta Serdar Altan xwest.&nbsp;

	&nbsp;

	JI BO DU WÊNEYAN 1 SAL Û 6 MEH CEZA BIRÎ&nbsp;

	&nbsp;

	Heyeta dadgehê jî der barê Altan de bi îdîaya "propaganda rêxistinê kiriye" 1 sal û 6 meh û 20 roj cezayê girtîgehê birîn. Ceza heta 5 salan taloq kirin.&nbsp;