
Cezakirina kuştina 301 karkeran tenê 15 sal e

2018-07-11 10:56:46


	&nbsp;

	MANÎSA – Di doza 301 karkerên di karesata madene ya Somayê de jiyana xwe ji dest dan biryar derket û ji sûcê “Biqisûr kes kuştin” 15 sal cezayê hepsê li xwediyê madenê Can Gurkan birîn. Ji ber biryarê gelek malbat aciz bûn. Li ser qewimîna rageşiyê bersûcan ji salonê derxistin û navber dan danişînê.&nbsp;

	&nbsp;

	Li navçeya Soma ya Manîsayê di 13’ê gulana 2014’an de 301 karker di karesata madenê jiyana xwe ji dest dabûn. Doz hatibû vekirin 5 jê girtî 51 kes tên darizandin. Îro jî danişînya biryardayînê ya dozê li Dadgeha Cezayê Giran a Akhîsarê tê dîtin. Xwendina biryara ji bo bersûcan hat destpêkirin. &nbsp; Xizmên 301 karkeran, parêzer û rojnameger derbasî hundir kirin.&nbsp;

	&nbsp;

	Beriya danişînê li derdora dadgehê bi maşîneyên zirxî û sedan polîsan tedbîr hatin girtin. Parlamenterên HDP, CHP û nûnerên saziyên demokratîk jî dozê dişopînin.&nbsp;

	&nbsp;

	Biryara dozê serokê dadgehê Salîh Pehlîvanoglu xwend.&nbsp;

	&nbsp;

	15 SAL CEZA DAN XWEDIYÊ MADENÊ&nbsp;

	&nbsp;

	Biryara cezakirina xwediyê firmaya madenê Can Gurkan jî hat xwendin. Ji sûcê “Biqisûrî kes kuştin” 15 sal cezayê hepsê lê birîn û dewama girtina wî hat dayîn.&nbsp;

	&nbsp;

	Li Midurê Giştî Ramazan Dogru 22 sal û 6 meh cezayê hepsê, li Midurê Şixulînê Akin Çelîk 18 sal û 6 meh cezayê hepsê û li Midurê Teknîkê Îsmaîl Adali jî 2 sal û 6 meh cezayê hepsê hat birîn.&nbsp;

	&nbsp;

	Dema biryar hat aşkerekirin malbatan li dijî biryarê bertek nîşan da. Li salona danişînê rageşî derket û li ser vê yekê bersûc ji salonê hatin derxistin. Hin malbat gelek aciz bûn û xemgîn bûn. Ji ber rageşiyê navber dan danişînê.&nbsp;

	Dê danişîn dewam bike.&nbsp;