Li Xana Axparê qeza: Kesek mir, 3 kes jî birîndar bûn  

2025-10-24 09:40:59


	AMED - Wesayîteke ji Silopiyayê ber bi Amedê ve dihat, li navçeya Xana Axparê qeza kir. Di qezayê de welatiyekî jiyana xwe ji dest da û 3 welatî jî birîndar bûn. 

	 

	Wesayîteke ji navçeya Silopiya ya Şirnexê ber bi Amedê ve dihat, li ser rêya gundê xanika Jêr ê navçeya Xana Axpar a Amedê qeza kir. Di qezayê de wesayîta ku 4 kes tê de bûn di kendalê de wergiya xwarê. Di qezayê de welatiyê bi navê Abdulkerîm Kahraman jiyana xwe ji dest da û 3 kes jî birîndar bûn. 

	 

	Li cihê qezayê ambulans û komên cendirmeyan hatin sewqkirin. Tedawiya welatiyên birîndar ên bi ambulansan rakirin nexweşxaneyan didome.