
Kana ku piştî Wezaretê di 2013’an de girt 3 hezan pêk hatine

2017-10-18 09:53:30


	ŞIRNEX – Li Kana Komirê ya Hejmara 1’emîn a Şirnexê di 17'e Cotmehê de hezan pêk hat û 7 karkeran jiyana xwe ji dest da, karkerek bi giranî birîndar bû. Wezîrê Enerjiyê û Walîtiya Şirnexê daxuyanî dan gotin: “Kana komirê ya qeza lê çêbûye di sala 2013’an de xebata wê hatiye rawestandin.” Hat zanîn ku di heman kana komirê de piştî 2013’an 3 hezan pêk hat û 3 kesan jiyana xwe ji dest daye û 15 kes jî birîndar bûne.&nbsp;

	Li Kana Komirê ya Hejmara 1’êmîn a 5 kîlometre dûrî Şirnexê di 17'ê Cotmehê de hezan pêk hat û 7 karkeran jiyana xwe ji dest dan. Di hezanê de karkerên bi navê Mehmet Îzer, Sevkan Ustun, Yilmaz Magrur, Mesut Magrur, Vedat Ozden, Ramazan Ugur û Abdullah Kayaş jiyana xwe ji dest dan. Ugur Kabak ê di heman hezanê de birîndar bû jî li Nexweşxaneya Dewletê ya Şirnexê dermankirina wî didome.&nbsp;

	&nbsp;

	WALÎTÎ PKK’Ê ÎŞARET DIKE GELO?

	&nbsp;

	Piştî bûyer pêk hat Wezîrê Enerjî û Walîtiya Şirnexê li pey hev têkildarî hezanê daxuyanî dan. Wezîrê Enerjiyê wiha got: “Kana komirê ya qeza lê çêbûye di sala 2013’an de xebata wê hatiye rawestandin. Karê li wir qaçax karek qaçax bûye. Ruhsata wê tune ye.”&nbsp;

	Daxuyaniya Walîtiya Şirnexê jî dişibe ya Wezaretê û heman daxuyanî dubare kir û di daxuyaniyê hat gotin ku aliyên “rêxistinên terorê” tên lêkolînkirin.&nbsp;

	&nbsp;

	BERÊ JÎ LI KANA KOMIRA ‘QAÇAX’ 3 HEZAN ÇÊBÛNE&nbsp;

	&nbsp;

	Ev bûyera hezanê ya kana komirê ku Wezaret û Walîtî jê re gotin “qaçax” hat zanîn ku ev ne bûyera yekemîn e. Di heman kanê de di sala 2014 û 2015’an de jî 3 hezan çêbûne, 3 karker jiyana xwe ji dest dane û 8 karker jî birîndar bûne. Bi vê bûyera hezanê re li kanên komirê yên Şirnexê heta roja îro hejmara karkerên jiyana xwe ji dest dane derket 15 kesan û 16 karker jî birîndar bûne.&nbsp;

	&nbsp;

	Di 3 salên dawî de li herêma Şirnexê hezanên pêk hatine wiha ne:&nbsp;

	&nbsp;

	“ – Li kana lînyît a gundê Toptepe di 1’ê hezîrana 2014’an de hezan pêk hat karkerê bi navê Îbrahîm Saganak (30) jiyana xwe ji dest da û 7 karker jî bi birîndarî ji bin hezanê hatin rizgarkirin.&nbsp;

	&nbsp;

	- Di 11’ê hezarîna 2014’an de li kana lînyît a sektora taybet a li gundê Kemerlî ji ber teqandina gazê hezan pêk hat û karkerên bi navê Ahmet Baysal, Emîn Baysal û Selahattîn Uçar jiyana xwe ji dest dan. &nbsp;adlı işçiler yaşamını yitirdi.&nbsp;

	&nbsp;

	- Di 18’ê hezîrana 2014’an de li kana lînyîtê ya sektora taybet a li qûntarê Çiyayê Cudî hezan pêk hat û Musa Seven (47) jiyana xwe ji dest da.&nbsp;

	&nbsp;

	- Di 4’ê îlona 2014’an de li kana komirê ya gundê Toptepe di encama rijandina hafriyatê de karker di bin axê de man û ji karkeran Mehmet Magrur (39) û Saît Bercen (44) birîndar bûn û Sabri Magrur (50) jî jiyana xwe ji dest da.&nbsp;

	&nbsp;

	- Dîsa di 9’ê îlona 2014’an de li kana komirê ya li herêma Toptepe hezan pêk hat karkerê bi navê Mehmet Ata Kutlu (36) bi giranî birîndar bû û rakirin nexweşxaneyê. Kutlu li gel hemû mudaxeleyên tibî jî jiyana xwe ji dest da. 6 karker jî bi derfetên bi awayekî birîndar xwe rizgar kirin.&nbsp;

	&nbsp;

	- Di 26’ê cotmeha 2015’an de li derdora gundê Kemerlî li kana lînyît a ji aliyê sektora taybet dihat xebitandin hezan pêk hat karkerê bi navê Halîl Atak (49) bi giranî birîndar bû û li nexweşxaneyê jiyana xwe ji dest da.&nbsp;

	&nbsp;