
Li Cizîrê welatiyek bi lêdanê hate binçavkirin 

2025-10-01 15:30:08


	&nbsp;

	ŞIRNEX - &nbsp;Welatiyê bi navê Abdulmecît Uyar ku li navçeya Cizîrê di serdegirtina malê de hate binçavçkirin, li naverasta kolanê hate derbkirin.&nbsp;

	&nbsp;

	Îro di danê sibehê de hêzên tîmên taybet ên cendirmeyan û komên Têkoşîna li Dijî Sûcên Qaçaxçitî û Organîze (KOM) li navçeya Cizîrê ya Şirnexê, bi îdiaya ku cezayê wan ê hefsê teqez bûye, bi ser malên gelek welatiyan de girtin.&nbsp;

	&nbsp;

	Di serdegirtina malê ya li Taxa Vatanê de welatiyê bi navê Abdulmecît Uyar hate binçavkirin. Bi îdiaya ku ji malê reviya, Uyar li naverasta kolanê hate îşkencekirin.&nbsp;

	&nbsp;

	Uyar ê ku li cihekî nêzî malê hate binçavkirin, rastî êrişa gelek polîsan hat. Di encama êrişê de Uyar ji gelek cihên xwe birîndar bû û rakirin Nexweşxaneya Dewletê ya Cizîrê. Uyar ê ku bi destkelemçekirî hate muayenekirin, piştî mudaxileyê bi kursiya biteker sewqî edliyeyê hate kirin. Li vir cezayê wî li rûyê wî hate xwendin û şandin girtîgeha Şirnexê.&nbsp;

	&nbsp;