
Ustun li cem xwişka xwe ku di jêrzemînên Cizîrê de hatibû kuştin hat definkirin 

2017-10-17 22:59:25


	&nbsp;

	ŞIRNEX&nbsp;– Cenazeyê Sekvan Ustun ku di hezana Şirnexê de jiyana xwe ji dest da, li ser wesiyeta wî li cem yê xwişka wî &nbsp;hunermend Gulîstan Eylem Ustun ku di dema qedexeya li Cizîrê de li jêrzemînan asê mabû û hatibû kuştin, hat definkirin.

	Cenazeyê karkerê bi navê Sekvan Ustun ku di hezana kana madenê ya Şirnexê de tevî 6 hevalên xwe jiyana xwe ji dest da, piştî karên otopsiyê anîn Cizîrê. Cenazeyê Ustun li Goristana Zarokan a li Taxa Yafesê hat definkirin. Di dema anîna cenaze de gelek wesayîtên zirxî yên polîsan li dora goristanê hatin bicihkirin.

	LI CEM XWIŞKA XWE HAT DEFINKIRIN

	Hat hînbûn ku Ustun zewicandiye û bavê 2 zarokan e. Piştî duayan cenazeyê Ustun li ser wesiyeta wî li cem yê xwişka wî &nbsp;hunermenda Navenda Çandê ya Mezopotamyayê (NÇM) Gulîstan Eylem Ustun ku di dema qedexeya li Cizîrê de li jêrzemînan asê mabû û hatibû kuştin, hat definkirin.

	Her wiha hat zanîn ku piştî karên otopsiyê cenazeyên 6 karkerên din jî radestî malbatên wan hatine kirin. Hat diyarkirin ku dê cenaze li goristana li navenda Şirnexê ye bên definkirin.&nbsp;

	&nbsp;