Birca dîrokî ji gel re girtî ye 2025-08-30 09:39:34   ŞIRNEX – Rexmê ku hatiye gotin restorasyona Birca Belek a li Cizîrê, xilas bûye hêj ji bo serdana gel girtî ye.   Rexmê ku restorasyona aliyê hindûr ê Birca Belek a li navçeya Cizîr a Şirnexê ku dîroka avakirina wê Berî Zayînê (B.Z.) 4 hezar sal e, ji bo serdena gel girtî ye. Parlamenterê Partiya Wekhevî û Demokrasiyê ya Gelan (DEM Partî) ê Şirnexê Zekî Îrmez, sedema girtina kelehê anî rojeva Meclisê.    Pêşniyarpirsa ku ji bo Wezîrê Çand û Tûrîzmê Mehmet Nûrî Ersoye bibersivîne hate kirin. Di pêşniyarpirsê de hate destnîşankirin ku Birca Belek di sala 2016’an de qeyûm, Birca Belek ji bo Komeleya Peşveçûn, Çand û Hunerê ya Birca Belek terxan kiriye û avahiya dîrokî demeke dirêj ji bo “çalakiyên şexsî û siyasî demeke dirêj hatiye bikaranîn”. Her wiha hate destnîşankirin ku Wezareta Çand û Tûrîzmê di sala 2020’an de biryar daye ku bike muzexane û ji statûya komelê der bixe û ji ber ku tebîxname bê bersiv made loma pêvajoya veguherandina muzexaneyê hatiye astengkirin.   Îrmez, ev pirs ji wezaretê pirsî:   “ * Ji bo avahî bê valakirin çend serlêdan çêbûne? * Rexmê daxwaza valakirinê ji bo çi avahî radestî wezaretê nehatiye kirin? * Li dijî dagirkirina avahiyê wezaretê kîjan gav avêtine? * Ji bo sûrên Birca Belek heta niha çi xebat hatine kirin?”   BERSIVA WEZARETÊ   Di bersiva Wezaretê ya ji bo pişniyarpirsa Îrmez de hate destnîşankirin restorasyona di 2021’an de ji bo 6 avahiyên dîrokî hatine kirin, di sala 2024’an de xilas bûne. Lêbelê di sala xebatên ku di sala 2025’an de didomînin, wezaretê dideriwînin.    Wezaretê diyar kir ku planên projeyê yên ji bo avahiyên navborî ji aliyê Lijneya Parastina Mîrata Çandî ya Amedê ve hatine erêkirin û hemû prosedur, tevî peyzajê, hatine temamkirin. Wezaretê di bersiva xwe ya derbarê Birca Belek de got: "Heta niha ji bo avahiya ku behsa wê tê kirin tu proje an jî xebateke restorasyonê nehatiye kirin." Di bersivê de hat diyarkirin ku Birca Belek ji pêvajoya restorasyonê hatiye derxistin.