
Hûsiyan êrişî Îsraîlê kirin 

2025-08-09 13:43:52


	&nbsp;

	NAVENDA NÛÇEYAN - Hûsiyan ragihand ku bi dronan êriş birine ser Yafa, Esqelan û Bîr El Sebi yên Îsraîlê. Artêşa Îsraîlê jî da zanîn ku wê dronek a ji aliyê Yemenê ve hatibû, bêbandor kiriye.

	&nbsp;

	Hûsiyan îro ragihand ku bi dronan li 3 deverên Îsraîlê daye. Berdevkê leşkerî yê Hûsiyan Yehya Seri daxuyand: "Komê li Yafa, Esqelan û Bîr El Sebi 3 operasyonên leşkerî li dijî hedefên Îsraîlê ya dijmin pêk anîn. Di van oprasyonan de 3 dron hatin bikaranîn.”

	&nbsp;

	Artêşa Îsraîlê jî ragihand ku wê droneke ji aliyê Yemenê ve hatibû avêtin, bêyî aktîfkirina alarmên hişyariyê bêbandor kiriye.

	&nbsp;

	Hûsiyan di daxuyaniyê de hişyarî da tevahî şirîketên ku li benderên Filistînê kar dikin û diyar kir ku dê keştiyên wan werin hedefkirin. Her wiha bang li wan kir ku ji bo parastina silametiya ekîb û keştiyên xwe xebatên xwe yên li benderan rawestînin.

	&nbsp;

	Hûsî bi îdiaya piştgiriya Xezayê ji 3’yê Cotmeha 2023’yan ve êrişan li dijî Îsraîlê dikin. Îsraîl jî wek bersiv êrişî binesaziya enerjî, bendera Hudeydayê û deverên stratejîk ên Hûsiyan bombebaran dike.

	&nbsp;