
Zarokên di doza Nisêbînê de tên darizandin nehatin berdan 

2018-06-28 15:36:37


	&nbsp;

	MÊRDÎN – 17 zarokên ji doza Nisêbînê tên darizandin nehatin berdan û danişîna doza wan taloqî 5’ê cotmehê hat kirin.&nbsp;

	&nbsp;

	Sêyemîn danişîna doza 17 zarokên di dema qedexeyên derketina derve ya li navçeya Nisêbîna Mêrdînê de yên di 26’ê Gulana 2016’an ji navçeyê hatin derxistin û girtin li Dadgeha Cezayê Giran a 4’emîn a Mêrdînê dest pê kir. Danişîn li avahiya edli ya beşekê wî ji bo salona Saziya Ewlekariya Civakî (SGK) hat veqedandin hat dîtin.&nbsp;

	&nbsp;

	Piştî tespîta nasnameyan danişînê dest pê kir û 3 zarokên li girtîgehên Mêrdîn û Hatayê parastin kirin. Dû re parêzeran parastin kir û xwest îfadeyên zarokan ne li ser riya SEGBÎS’ê û li salona dadgehê bên amadekirin û îfadeyên xwe bidin.&nbsp;

	&nbsp;

	Piştî parastinan heyeta dadgehê daxwaza parêzeran red kir û biryara dewama girtina zarokan da. Danişînê jî taloqî 5’ê cotmehê kir.&nbsp;

	&nbsp;

	&nbsp;