
Yildiz û xizmên xwe li 6 dibistanên Pirsûsê dengên blok bikar anîn 

2018-06-24 14:06:04


	&nbsp;

	RIHA - Namzetê AKP'ê yê Rihayê Îbrahim Halil Yildiz li gel zilamên xwe yên çekdar herî kêm li 6 dibistanên cuda yên Pirsûsê, peywirdarên sindoqan derp kirin û dengên blok bikar anîn. Li hewşa Dibistana Seretayî ya Bîlge jî pûsulayên dengan hatin bidestxistin.&nbsp;

	&nbsp;

	Li navçeya Pirsûsê ya Rihayê &nbsp;Namzetê AKP'ê yê Rihayê Îbrahim Halil Yildiz li gel dehan zilamên xwe yên çekdar herî kêm li 6 dibistanên cuda, peywirdarên sindoqan derp kirin û dengên blok bikar anîn. Hat diyar kirin ku Yildiz û zilamên xwe yek bi yek li ser dibistanan geriyan û di lehê Erdogan de dengên blak bikar anîn. Hat zanîn ku ewil dest danîne ser telefonên rayedarên sindoqan û dengên komî avêtine. Hat diyar kirin ku Yildiz û zilamên xwe li dibistanên Cumhuriyet, Hurriyet, Ataturk, Bilge, Suleyman Şah û Lîseya Anadolu ya GAP'ê geriyane û rayedarên sindoqan ên HDP'î darp kirine. Pişti peywirdar derxistin derve dengên komî bikar anîne.&nbsp;

	&nbsp;

	BERPISIYORÊ AVAHIYÊ ASTENG KIRIN

	&nbsp;

	Hat zanîn ku li Dibistana Hurriyetê li ser sindoqa hêjmar 1111, 1112 û 1109'an dengên blok bkar anîn. Wekilê AKP’ê Îbrahim Halîl Yildiz û 200 zilamên xwe li gel polîsên tîmên taybet ketin dibistanê hemû kes derxistin derve û bi komî deng avêtin. Birayê Îbrahim Halil Yildiz jî rayedarên sindoqê asteng kirine û destûr nedaye dengê xwe bikin.&nbsp;

	&nbsp;

	LI SER NAVÊ MIN KESÊN DIN DENGÊ MIN AVÊTIN E&nbsp;

	&nbsp;

	Hilbijêrê sindoqa 1112'an ê Dibistana Hurriyetê Mehmet Suslu, jî diyar kir ku ji Stenbol ji bo deng bide hatiye, lê dema çûye ser sinqodê dîtiye ku dengê wî û mabata wî ji aliyê hin keksên din ve hatiye avêtin. Suslu, da zanin ku malbata wî ne li Pirsûsê ye, lê li ser navê tevan deng hatiye avêtin.&nbsp;

	&nbsp;

	POLÎS Û MIROVÊN BI ÇEK KETIN DIBISTANÊ&nbsp;

	&nbsp;

	Li Dibistana Hurriyetê peywirdarê Sindoqa hêjmar 1111 Recep Ozberk jî diyar kir ku ji aliyê polîs û kesên çekdar ve hatiye tehdît kirin u got: "Ez serê sibê çûm dibistanê. Min hemû pusula jimartin. Di sindoqa min de 330 pusula hebûn. Piştî çeng kesan hatin dengê xwe avêtinê Wekîlê AKP’ê Îbrahim Halil Yildiz, zilamên wî û &nbsp;gelek polîs hatin ketin polê. Min xwest mudaxale bike. Bertek nîşan dan. Pusula tev girtin û deng bikar anîn.&nbsp;

	&nbsp;

	Li hewşa Dibistana Bilge jî gelek pusulayên dengan ê tê gotin aydi Yıldızan e hatin bi dest xistin. Polisan dest danî ser girtekê û pusulayên dengan.&nbsp;

	&nbsp;

	Navenda Koordînasyona hilbijartinê ya HDP û CHP'ê diyar kirin ku li taxa Uluhanê ya navçeya Haliliye û Taxa Kepirhisarê ya Hîlvanê peywirdarên li ser sindoqan hatine darpkirin û bi komî deng hatine avetin. Endamê Meclisa CHP'ê Mehmet Ali Çelebî jî diyar kir ku li 30 taxên Rihayê peywirdarên sindoqan hatine darpkirin.&nbsp;

	&nbsp;