
Li Şirnex, Cizîr û Nisêbînê gel diherike deng dayînê 

2018-06-24 11:40:31


	&nbsp;

	ŞIRNEX / MÊRDÎN – Lî navçeyên Şirnex û Mêrdînê ku herî zêde ji ber qedexeyên derketina derve hatin hilweşandin gel serê sibê zû herikî dibistanan û dengên xwe dan.&nbsp;

	&nbsp;

	Yek ji bajarê herî zêde ku deng dayîn û encamên hilbijartinê tên meraqkirin Şirnex û navçeyên wê û Mêrdîn û navçeyên wê ne. Li Şirnexê û navçeyên wê ku di “qedexeyên derketina derve” de hatin hilweşandin serê sibê gel li ber dibistanan kom bû. Li navenda Şirnex, navçeyên wê Cizîr, Silopî û Hezexê gel çû ser sindoqan û ketin dorê.&nbsp;

	&nbsp;

	CIZÎR Û ŞIRNEX DIHERIKIN DIBISTANAN

	&nbsp;

	Li taxên Cudî û Nurê yên Cizîrê û li navenda Şirnexê beşdariya gel a hilbijartinê balê dikişîne ser xwe.&nbsp;

	&nbsp;

	NISÊBÎN LI SER SINDOQAN E

	&nbsp;

	Li navçeya Nisêbînê ya Mêrdînê ku di "qedexeya derketina derve" de 6 taxên wê ser û bin kiribûn û hilweşandinbûn, gel serê sibê zû herikî ber dibistanan. Li Nisêbînê polîsan bi maşîneyên zirxî dibistan dorpêç kirin. Hêjayî gotinê ye ku hilbijêr di bin siya çekan de dengê xwe didin.&nbsp;

	&nbsp;

	&nbsp;