
Li Pirsûsê Yildiz ê AKP’î li ser kar e: HDP’iyan derb kirin û dengên blok bikaranîn

2018-06-24 10:54:09


	&nbsp;

	RIHA – Namzetê AKP’ê yê Rihayê Îbrahîm Halîl Yildiz û alîgirên xwe yên li Pirsûsê bav û du kurê wî kuştin, bi çekan li dibistanan digerin. Namzetê AKP’ê û alîgirên xwe peywîrdarên HDP’ê yên sindoqan derb kirin û ji bo AKP û Erdogan dengên blok bikaranîn.&nbsp;

	&nbsp;

	Di arîfeya Cejna Remezanê de li navçeya Pirsûsê ya Rihayê alîgirên Namzetê Parlamenteriyê yê AKP’ê yê Rihayê Îbrahîm Halîl Yildiz êrîşî Hecî Esvet Şenyaşar û kurê wî Celal û Adil kirin û her sê kuştin. Namzetê AKP’ê û aligirên xwe roja hilbijartinê jî rehet nesekinîn. Yildiz û bi dehan alîgirên xwe yên bi çek li dibistanan li ser sindoqan geriyan.&nbsp;

	&nbsp;

	Alîgirên Yildiz ê AKP’î ewil li dibistanên Seretayî yên Ataturk û Cumhuriyet û li Lîseya GAP’ê ya Anadoluyê dest danîn ser telefonên welatiyan.&nbsp;

	&nbsp;

	Pişt re peywîrdarên sindoqan derxistin dervayî dibistanan. Yildiz û alîgirên xwe peywîrdarên HDP’î yên li ser sindoqan derb kirin û çûn ser sindoqan ji bo AKP’ê û Erdogan dengên blok bikaranîn.&nbsp;

	&nbsp;

	Li navçeya navendî Halîliye ya Rihayê jî peywîrdarên CHP’ê yên li ser sindoqan hatin derbkirin û derxistin derve. Peywîrdar çûn qereqola cendermeyan û giliyê sûc kirin.&nbsp;

	&nbsp;

	HÎLEYAN FERQ KIRIN Û PARVE KIRIN&nbsp;

	&nbsp;

	Li sindoqa 1043’an a li Pirsûsê dengên zêde hatin bikaranîn, lê muşahîtan ferq kir û wan kesan li ser sûc girtin. Di wê kêliyê de muşahîtek bi telefona xwe hîleyan qeyd kir û li ser medya civakî parve kir.&nbsp;

	&nbsp;