
Barcelonayê li Bakur û Rojhilatê Sûriyeyê projeya ‘Lîga Hêviyê’ da destpêkirin 

2025-05-23 14:06:32


	&nbsp;

	NAVENDA NÛÇEYAN - Li Bakur û Rojhilatê Sûriyeyê û Herêma Federe ya Kurdistanê bi pêşengtiya Weqfa Barçayê projeya “Lîga Hêviyê” hate destpêkirin.&nbsp;

	&nbsp;

	Tîma Futbolê ya Barcelonayê ku tîma Herêma Xweser a Katalonyayê ya Spanyayê ye û li cîhanê tê naskirin, li Bakur û Rojhilatê Sûriyeyê û Herêma Federe ya Kurdistanê “Lîga Hêviyê” dide destpêkirin.&nbsp;

	&nbsp;

	Li gorî nûçeya li ser malpera fermî ya Weqfa Barçayê, weqfê bi hevkariya La Caserna, Enîstîtuya Bêtundîtiyê NOVACT, UPP, Doz International, IDare û Casa Nostra Casa Vostra’yê projeya “Lîga Hêviyê” ku dê di 25’ê Hezîrana 2025’an dest pê bike û heta 2026’an bidome didin destpêkirin. Bi projeyê tê xwestin ku xwe bigihînin zêdetirî 600 zarokên temenê wan di navbera 8-14 salî de.&nbsp;

	&nbsp;

	Di daxuyaniyê de hate gotin ku hedefa projeyê ne tenê futbol e û yek ji armancan jî pêşîlêgirtina gotinên nefret û tundiyê ye. Di nûçeyê de hate gotin ku xebata ewil di Nîsanê de li herêmê hatiye kirin û lîstikvanê futbolê yê Barcelonayê yê berê Oleguer Presas li Kobanê, Hesekê, Reqa, Tirbespiyê, Hewlêr û Silêmaniyê ji bo kadroyên dê zarokan bigihînin perwerde daye.&nbsp;

	&nbsp;

	Her wiha gelek aktorên navneteweyî jî bi dilxwazî piştgiriyê didin projeyê.&nbsp;

	&nbsp;