
Xwendekarên D.U’yê îxrackirina mamosteyê xwe şermezar kir

2018-06-21 17:20:13


	&nbsp;

	
		AMED – Xwendekarên Beşa Felsefeyê yên Zanîngeha Dîcleyê di merasîma mezûniyetê de îxrackirina Erkedarê Hîndekariyê yê Beşa Felsefeyê Aydin Gelmez şermezar kirin.&nbsp;
	
		&nbsp;
	
		Zanîngeha Dîcleyê ji bo xwendekaran li Salona Civînê ya Navenda Kongreyê merasîma mezuniyetê li dar xist. Di Mezuniyetê li gel xwendekaran malbatên wan û rayedarên zanîngehê û mamosteyên xwendekaran amade bûn. Di merasîmê de xwendekarên ji gelek beşan mezûn bûn belgeyên xwe yên mezûniyetê sitendin.&nbsp;
	
		&nbsp;
	
		XWENDEKARAN ÎXRACKIRINA MAMOSTEYÊN XWE ŞERMEZAR KIR
	
		&nbsp;
	
		Xwendekarên Beşa Felsefeyê ku mezûn bûn ji bo dîplomayên xwe bistînin vexwendin ser dikê. Xwendekarên Beşa Felsefeyê, bi boneya Erkedarê Hîndekariyê yê Beşa Felsefeyê Aydin Gelmez ê ku akademîsyenê aştiyê bû bi Biryarnameya di Hukmê Qanûnê de (KHK) a jimara 689’an îxrac bû çalakiyek protestoyê li dar xistin. Xwendekaran pankarta “Carek din Aydin Gelmezek wiha nayê” hildan û di şexsê mamosteyên xwe de pêkanîna îxracan şermezar kirin.&nbsp;
	
		&nbsp;
	
		Dema xwendekaran pankartê xwe hilda li salonê dengê çepikan û hiryoha (yuh) bilind bû. Personelên zanîngehê mudaxeleyî pankartê kirin û bi hinceta "Pankart siyasî ye" ji destê xwendekaran revandin. Li ser vê yekê xwendekaran jî merasîmê protesto kir.&nbsp;
	
		&nbsp;
	
		Piştî xwendekaran salon terikand pankarta xwe carek din paş de girtin.&nbsp;
	
		&nbsp;


	&nbsp;