
Namzetên HDP’ê di berbanga sibê de karker û esnaf ziyaret kirin 

2018-06-21 12:28:53


	NAVENDA NÛÇEYAN – HDP’ê li Riha, Meletî, Edene û Mereşê xebatên hilbijartinê didomîne. Li Edeneyê namzetên HDP’ê serê sibê zû çûn ber deriyê sanayiye û bi karkeran re sohbet kirin.&nbsp;

	Namzetên HDP’ê yên Rihayê bi hemû biryardariya di asta herî jor de xebatên hilbijartinê birêve dibe. Namzet Ayşe Surucu li Serêkaniyê malbatan di zarokên wan di têkoşîna azadî û demokrasiyê de jiyana xwe ji dest dane, li esnaf û gundan serdanan pêk anî. Surucu bi tîlîli, çepikan û coş ji aliyê gundiyan ve hat pêşwazîkirin. Surucu pişt re derbasî navçeya Siwêregê bû û esnafên bazara sewalan û welatiyên li vir ziyaret kir.&nbsp;

	&nbsp;

	Li aliyê din Nusrettin Maçîn jî li taxa Selîmpinar a Siwêregê ziyaret kir û civîna gel li dar xist. Maçîn xwest her kes dengê xwe rast bi kar bîne û xwedî li deng û sindoqên xwe derkevin.&nbsp;

	&nbsp;

	MELETÎ&nbsp;

	&nbsp;

	Namzetên HDP’ê yên Meletiyê jî bê navber xebatên xwe didomînin. Heyeta HDP’ê çû serdana komeleyên gundan. Hevseroka HDP’a Meletiyê Perîhan Yucekaya axivî û behsa xebatên HDP’ê û hilbijartinê kir. Yucekaya banga xwedî derketina sindoqan li komeleyan û gel kir.&nbsp;

	Namzetê HDP’ê yê Meletiyê Mehmet Tuncel jî axivî û got ku daxwaza desthilatdariyê ew e HDP’ê di bin bendê de bihêlin û banga xwedî derketina sindoqan li gel kir.&nbsp;

	&nbsp;

	MEREŞ

	&nbsp;

	Namzetên HDP’ê yên Mereşê jî nizanin westandin çi ye û xwe ji 24’ê Hezîranê re amade dikin. Namzetên HDP’ê yên bajêr û rêveberên HDP’ê gundê Çigili yê girêdayî navendê ziyaret kirin û ji hilbijêran destek xwestin.&nbsp;

	&nbsp;

	EDENE

	&nbsp;

	Namzetên HDP’ê yên Edenê di çarçoveya xebatên hilbijartinê bi şev û roj li ser piya ne. Namzetên HDP’ê serê sibê zû çûn sanayiya li taxa Şakîrpaşa û li ber derê saniyayê karkeran pêşwazî kirin û ziyaret kirin. Pişt re namzet Sever Uzun, M. Edîp Çaçan, Bêrîtan Onem, Turkan Bakir û Denîz Varol li nav esnafan geriyan û belavo belav kirin.&nbsp;