
'Roja hesab pirsîna hilweşandina peykerê Ehmedê Xanî ye’ 

2018-06-19 16:12:13


	AGIRÎ – Parlamentera HDP’ê ya Agiriyê Dîlan Dîrayet Taşdemîr di mitînga Bazîdê de axivî û got: “24’ê Hezîranê roja hesab pirsîna peykerê Ehmedê Xanî ya ji qeyûman e.”&nbsp;

	Rêxistina HDP’ê ya Agiriyê di çarçoveya kampanya hilbijartinê de li navçeya Bazîdê mitîng li dar xist. Mitîng li Qada Otogara Kevn pêk hat. Parlamenter û namzeta HDP’ê ya Agiriyê HDP’ê Dîlan Dîrayet Taşdemîr, Namzet û wekîlê HDP’ê yê Agiriyê û Hevserokê KCD’ê Berdan Ozturk, Parlamenterê HDP’ê yê Îzmîrê Ertugrul Kurkçu û namzetên HDP’ê yên Agiriyê Kezban Dumlu Ogel û Abdullah Koç tev li mitîngê bûn.&nbsp;

	&nbsp;

	Li gel barîna baranê bi hezaran kes qadê tije kir û hunermend Mesût Gever derket ser dikê û li ber stranên xwe girseyê coşand. Coşek mezin li qadê serdest bû û welatyan bê navber dirûşmeya “Bijî berxwedana Zîndanan” berz kir. Mitîngê bi rêzgirtinê dest pê kir. Axaftvanan vexwendin ser dikê û gel silav kirin.&nbsp;

	&nbsp;

	‘BAZÎD DÊ DÎROK BINIVÎSÎN E’&nbsp;

	&nbsp;

	Namzet Abdullah Koç axivî û got: “Em silavê xwe ji girtîgehan re dişînin. Em ji diyarê Ehmedê Xanî ji Girtîgeha Edîrneyê ji wî re silavan dişînin. Wê Bazîd dîrokê binivîsîne.”&nbsp;

	&nbsp;

	'ROJA HESAB PIRSÎNA JI QEYÛMAN E’&nbsp;

	&nbsp;

	Pişt re Parlamenter Dîlan Dîrayet Taşdemîr axivî û ev tişt got: “Ev hilbijartinek dîrokî û girîng e. Hûn îro bi wêrekiyek mezin li dijî zilmê derdikevin û xwedî li partiya xwe derdikevin. Berxwedan tenê ne li kolana e. Berxwedana mezin li zîndanan e. Wê 24’ê Hezîranê çarenûsa gelê kurd a çar parçeyan diyar bike. Kurdan tune hesibandin û li ser kurdan polîtîkaya dijminahiya birêve birin. Wê di 24’ê Hezîranê de bibînin ka gelê Kurd kî ye. Em ê faşîzma AKP-MHP’ê di 24’ê Hezîranê de hilweşînin. Hilbijartina 24’ê Hezîranê tenê hilbijartina parlamenteriyê û serokomariyê nîne. Di heman demê de hilbijartinek û roja hesab pirsîna hilweşandina peykerê Ehmedê Xanî ya ji qeyûman e. Em ê di 24’ê Hezîranê de ji feraseta asîmîlasyonger û înkarger re bêjin oxir be.”&nbsp;

	&nbsp;

	‘HDP WÊ ERDOGAN RADESTÎ DADGERAN BIKE’&nbsp;

	&nbsp;

	Wekîlê HDP’ê Ertugrul Kurkçu jî axivî û diyar kir ku 24’ê Hezîranê dema dîroka guhertina Tirkiyeyê ye û di berdewama axaftina xwe behsa polîtîkaya AKP’ê ya şer û aboriyê kir. Kurkçu got: “Wê HDP, Recep Tayyîp Erdogan radestî dadgeran bike.”&nbsp;

	&nbsp;

	PÊŞKÊŞVAN BINÇAV KIRIN&nbsp;

	&nbsp;

	Piştî axaftina Kurkçu, mitîng bi dawî bû. Piştî mitîngê Faruk Sefkan ê pêşkêşiya mitîngê dikir bi boneya gotiye “Şehîdên demokrasiyê” ji aliyê polîsan ve hat binçavkirin.