Li Mexmûrê tûra fîlanê ya voleybolê 2018-06-18 19:53:34   MEXMÛR - Di fînala du torên voleybolê yên bi pêşengiya Tevgera Ciwanên Mexmûrê hatî amadekirin de tîma Şehîd Kurtay 3 - 2 bi ser ket.   Turnuvaya voleybolê ya di bin sêwana Tevgera Ciwanên Mexmûr (TCM) û Tevgera Jinên Ciwanên Mexmûrê (TJCM) de li ser navê Şehîd Ferhat Goyî û Şehîd Nûpelda Amed ên di berxwedana Rojava de jiyana xwe ji dest dabûn hatibû destpêkirin bi dawî bû.    Di Tûra 1'emîn de; tîma semta 2 Şehîd Xebat û tîma semta 4 Şehîd Rozerîn hatin hemberî hev û tîma Şehîd Xebat bi ser ket. Tîma TCM a Şehîd Kurtay û tîma NCH a Şehîd Delîla hatin beranberî hev û tîma Şehîd Kurtayî bi ser ket. Tîma semta 3 a Şehîd Çîçek û tîma Saziya Malbatên Şehîdan lîstin, tîma Şehîd Çîçek bi ser ket. Tîma mamostayan a Şehîd Koçerîn û tîma semta 5 a Şehîd Rûbar lîstin, tîma mamostayan bi ser ket.   Di Tûra duyemîn de; tîma Şehîd Xebat û Şehîd Kurtayî lîstin, Şehîd Kurtayî bi ser ket. Şehîd Çîçek û Şehîd Koçerîn lîstin Şehîd Koçerîn bi ser ket.  Di çarçoveya turnuvayê de tevgera Jinên Ciwanên Mexmûrê (TJCM) bi navê tîma Nûpelda Amed û jinên ciwan ên Tevgera Çand û Hunera Mexmûrê (NÇH) bi navê tîma Şehîd Arjîn beramberî hevre lîstin. Tîma Nûpelda Amed bi ser ket. Di fînalê de jî Şehîd Koçerîn û Şehîd Kurtayî lîstin, di encamê de Şehîd Kurtayî 3 û Şehid Koçerîn 2 bi dawî bû û Şehît Kurtayî bi ser ket.