
Gel li çeperan e: Roj roja parastina Kerkûkê ye 

2017-10-16 11:14:50


	KERKÛK - &nbsp;Gelê Kerkûkê û pêşmergeyên berî ku êrîşên Heşdî Şabî û Artêşa Iraqê dest pê bikin, berê xwe dan xeta parastinê ya gerîlayan, bang li her kesî kirin ku bên çeperên gerîlayan û got ku “Roj roja parastina Kerkûkê ye.”&nbsp;

	Li Kerkûkê, gel, gerîla û pêşmerge ketin çeperan. Gel nerazîbûn nîşanî hin pêşmergeyên xwestin bajêr biterikînin jî dan. Wesayitên wan pêşmergeyan hatin şewitandin. Bi hezaran şervanên dilxwaz, berê xwe dan xeta parastinê ya gerîlayên HPG û YJA-Starê.

	&nbsp;

	Bi navê şervanên dilxwaz ên Kerkûkê Ethem Kak Remezan axivî û ev tişt got: "Îro roja parastina Kerkûkê ye. Em bang li gelê Kerkûkê dikin ku cihê xwe li nava çeperên gerîlayan de bigire. Em ê Kerkûkê neterikînin û em ê Kerkûkê nedin kesî."

	&nbsp;

	PÊŞMERGEYAN BERÊ XWE DAN ÇEPERÊN GERÎLAYAN

	&nbsp;

	Wekî din, gelek pêşmergeyên erkdar û yên berê, berê xwe dan çeperên gerîlayan. Bi navê pêşmergeyên li vê derê Enver Saîd daxuyanî da û wiha axivî: "Ji bo parastina Kerkûkê em bang li her kesî dikin ku cihê xwe di nava xeta parastinê ya gerîlayan de bigirin."

	&nbsp;

	Enver Saîd destnîşan kir ku di nava her şert û mercî de ew ê li Kerkûkê bin û ew ê bajarê xwe biparêzin.

	&nbsp;