
Ahmet Hakan ê Tahir Elçî kiribû hedef îcar jî qetilkirina rojnamegeran parast 

2024-12-23 14:22:41


	NAVENDA NÛÇEYAN - Ahmet Hakan ku Tahir Elçî hedef nîşan dabû, îcar jî qetilkirina rojnameger Cîhan Bîlgîn û Nazim Daştan parast û kesên derheqê mijarê de daxuyanî dayin hedef nîşan da.&nbsp;

	Serokê Baroya Amedê yê berê Tahir Elçî, piştî ji hêla Ahmet Hakan ve weke hedef hatî nîşandan, di 28’ê Mijdara 2015’an de li Sûr a Amedê hatibû qetilkirin. Ahmet Hakan, di qunciknivîsa xwe ya Hurriyetê ya îro de jî qetilkirina rojnameger Cîhan Bîlgîn û Nazim Daştan parast. Ahmet Hakan, qebûl kir ku rojnameger ji hêla dewleta tirk ve bi SÎHA’yan hatine qetilkirin û îdia kir ku Cîhan Bîlgîn û Nazim Daştan rojnameger nînin.&nbsp;

	&nbsp;

	Ahmet Hakan, rojnameger bi îdiayên “Endamên propagandayê yên rêxistinê” û “parçeyeke şerê li herêmê” sûcdar kir û kesên bertek nîşanî komkujiyê dayin hedef nîşan da. Hakan, ji bo lêpirsînên hatine vekirin jî got “divê kesek ji ber lêpirsînan nerazî neke.”&nbsp;

	&nbsp;