
Li Êlihê bayê ‘sifir pênc’

2018-06-10 09:17:43


	&nbsp;

	ÊLIH - Namzetên HDP’ê yên Êlihê xebatên hilbijartinê berdewam dikin û li her qada diçinê bi dirûşmeya “Êlih sifir pênc” tên pêşwazî kirin. Ji namzetên HDP’ê Şukru Baytar, diyar kir ku biryardariya bi gel re, hêvî dide wan.&nbsp;

	&nbsp;

	Partiya Demokratîk a Gelan (HDP) a Êlihê bi berbanga sibê re dest bi xebatên hilbijartinê dike. Xebatkar û nemzetên HDP’ê serê sibê bi tevlîbûna civîna rojeva hilbijartinê re dest bi xebatan dikin, derî bi derî digerin û piştgiriyê ji gel dixwazin. Namzet, di hemû serdanên xwe de rastî eleqeyek mezin a gel tên û welatî tim bi dirûşmeya “Êlih sifir pênc” namzetan pêşwazî dikin. Li bajêr hemû kes wisan difirin. Namzetê rêza 5’emîn a Êlihê Şukru Baytar, diyar kir ku ji bo serkeftina HDP’ê mal bi mal digerin û xebatên hilbijartinê bi tempoyek xurt berdewam dikin.&nbsp;

	&nbsp;

	'BIRYARDARIYA GEL HÊVÎ DIDE ME'

	&nbsp;

	Baytar, dinavbera salên 2014 û 2016’an de Serokê Şaxa MEYA-DER a Êlihê ku bi KHK’ê hat girtin bû û piştî sazî hat girtin, ligel gel hemû êrîş û astengiyan cardin têkoşîn û xebata xwe berdewam kir. Baytar, anî ziman ku bawer dike ku gelê Êlihê pênc parlamenterên HDP’ê derbixîne û wiha got: “Em dibêjin dê li Êlihê pênc wekîl derbikevin. Li her qada em diçinê gelê Êlihê bi dirûşmeya ‘Êlih sifir pênc’ em pêşwazî dikin. Gel bi biryare û ev biryardarî hêvî dide me.”&nbsp;

	&nbsp;

	'MORALÊ GEL PIR BILINDE’

	&nbsp;

	Baytar, bal kişand ser hatina Serokê Giştî yê HDP’ê Sezaî Temellî ya Êlihê jî û wiha bilêv kir: “Hevdîtina Temellî ya bi gel re nav û deng da. Ji ber vê yekê em dibêjin sifir pênc. Gava em dadikevin taxan û belavokan belav dikin, gel li dora me kom dibin û hewayekê mîtîngê tê avakirin. Moralê gel pir bilinde. Em kolan bi kolan, tax bi tax, gund bi gund digerin. &nbsp;Em dinava gelê xwe dene. Gelê me pir bi kelecan û mole. Li dijî tifaqên faşîst û netewperest şerê psîkolojîk bi rêve dibe. Hemû saziyên dewletê xizmeta AKP’ê dikin. Lê di rastiyê diviyabû ev sazî xizmeta gel bikin. Lê sed mixabin îro dewlet ketiye ber destê AKP’ê.”&nbsp;

	&nbsp;

	Baytar, di dawiya axaftina xwe de wiha got: “Ger em bên hilbijartin û neyên hilbijartin jî, ji bo êşên dayîkan bi dawî bibin û aştiyek meyîn de bê avakirin, emê xebat û têkoşîna xwe berdewam bikin.”

	&nbsp;