
‘Paqijî û xwedîkirineke bi tenduristî rê li ber nexweşînan digire’ 

2017-10-15 09:21:39


	MÊRSÎN – Bi hatina zivistanê re bijîşk ji bo tevdîrê hişyariyan dikin. Seroka Odeya Bijîşkan a Mêrsînê Dr. Ful Ugurhan, hişyar kir ku ji bo muqawemetî zêde bibe divê mirov giraniyê bidin xweyîkirin û paqijiyê.&nbsp;

	Bi sermabûna hewayê re hêdî hêdî nexweşînên wek şewb û nezleyê xwe didin der. Li hemberî vê pispor hişyariyan dikin. Seroka Odeya Bijîşkan a Mêrsînê Dr. Ful Ugurhan, got ku li hemberî sermayê divê mirov giraniyê bidin xweyîkirin û paqijiyê. Ugurhan wiha got: “Ji ber ku ev nexweşîn herî zêde di dema merhebayê û riya hewayê de li mirovan peyda dibin, divê mirov xwe ji merhebayê ango bidestgirtinê dûr bixin.”&nbsp;

	&nbsp;

	Ugurhan, anî ziman ku zivistanê herî zêde şewb xwe dide der û ji ber nexweşîneke ku zû belav dibe, divê li hemberî vê mirov giraniyê bidin paqijî û xweyîkirinê. Ugurhan, dest nîşan kir ku rêbaza herî girîng a parastina ji nexweşînan, ew e ku mirov xwe ji temasa fiziksel û nêvengên qerebalix dûr bixîne û balê bide ser paqijiyê û bi taybetî jî divê malbat hay ji zarokên xwe yî diçin dibistanê hebin. Her wiha Ugurhan got ku divê teqez li lawaboyên dibsitanan sabûn hebin.&nbsp;

	&nbsp;

	
		'DIVÊ TIŞTÊN KU MUQAWEMETIYÊ ZÊDE DIKIN BÊN XWARIN’&nbsp;
	
		&nbsp;


	Ugurhan, dest nîşan kir ku rêbazeke din a parastina li hemberî nexweşînan jî ew e ku mirov muqawemetiya bedena xwe tim bilind bigire. Ugurhan, diyar kir ku ji bo vê yekê jî divê tiştên avî zav bên mezaxtin. Ugurhan got ku rêbaza herî guncan a xweyîkirinê ew e ku mirov zivistanê fêkiyên zivistanê, havînî jî yên havînê bixwe. Ugurhan, diyar kir ku hinar, zebze û ava goşt jî rê li ber nexweşînan digirin.&nbsp;

	&nbsp;