
Parêzerên Demîrtaş: Erdogan ji bo Demîrtaş peyamê dide AYM’ê 

2018-06-02 13:32:00


	ENQERE – Parêzerên namzetê serokomariyê yê HDP’ê Selahattîn Demîrtaş li dijî gotinên Serokomar Erdogan ên ji bo Demîrtaş nerazîbûn nîşandan û got ku Erdogan bi van gotinan propaganda reş dike û beriya AYM biryara ji bo Demîrtaş bide peyamê dide AYM’ê.&nbsp;

	&nbsp;

	Serokê Giştî yê AKP’ê Recep Tayyîp Erdogan duh li Semsûrê îşaretî namzetê serokomariyê yê HDP’ê Selahattîn Demîrtaş kir û got: “Destê wî di xwîna 53 kesan de heye.” Li ser van gotinan parêzerên Demîrtaş daxuyaniya nivîskî dan. Parêzeran got ku Erdogan propaganda reşkirinê dike û ji bo serlêdana takekesî ya li Dadgeha Destûra Bingehîn (AYM) peyamê dide darazê.&nbsp;

	&nbsp;

	Daxuyaniya parêzeran wiha ye:&nbsp;

	&nbsp;

	"Ev 4 sal e di serî de Serokê Giştî yê AKP’ê Recep Tayyîp Erdogan û hemû rayedarên AKP’3e ‘bûyerên 6-8’ê cotmehê’ ji xwe re mijara îstîsmara siyasî. Li ser van bûyeran siyaseta xwe didomînin. Duh kampanyeyek nû li vê mijarê bar kirin.

	&nbsp;

	Serokê Giştî yê AKP’ê duh li Semsûrê di mitînga xwe de miwekîlê me bi gotinên “Destê wî di xwîna 53 kesan de heye’ Demîrtaş sûcdar kir.&nbsp;

	&nbsp;

	Erdogan beriya hilbijartinan û serlêdana takekesî ya birêz Demîrtaş a li AYM’ê dest bi propgandeyek wiha reş kiriye û dixwaze bi van gotinan peyamê bide darazê.”&nbsp;

	&nbsp;

	&nbsp;