
Cenazeyê Rojnameger Dilîşan û YPG/QSD'î bi girseyî oxir kirin 

2017-10-14 17:38:51


	KOBANÊ – Cenazeyên sê şervanên QSD-YPG'ê û Nûçegîhana ANHA Dilîşan Îbiş yên di êrîşa DAIŞ’ê de li Dêra Zorê jiyana xwe ji dest dan, li Kobanê bi girseyi hatin oxirkirin.&nbsp;

	
		&nbsp;
	
		Bi hezaran gelê herêma Firatê li goristana Şehîd Dicle ya başûrê Kobanê civîyan û beşdarî merasîma oxirkirina nûçegihana ANHA′yê Dilîşan Îbiş, şervanê QSD′ê Umran Îsa (Filestînî) û şervanê YPG′ê Edhem Şêxo (Alan Ararat) bûn. Di merasîma oxirkirinê de bi dehan rojnamevanên ji dezgehên cûda yên çapemeniyê yên herêmên Firatê û Cizîrê, Endamên saziyên Kantona Kobanê amade bûn. Li goristanê merasîma oxirkirinê bi toraneke leşkerî ji aliyê bi dehan şervanên Erka Xweparastinê ve dest pê kir. &nbsp;Piştre Fermandara YPG/YPJ′ê Fîdan Kobanê axivî û soza domandina têkoşînê da. Fîdan, giredana xwe anî ziman û wiha got: ″Em bejna xwe li hember şehîd Dilîşan ku bi kameraya xwe hemleyên rizgarkirina Reqayê &nbsp;û Dêrazorê şopandin. Em soz didin ku em ê tola wê hilînin û hêviyên wê pêk bînin″.&nbsp;
	
		&nbsp;
	
		Bi navê Meclîsa Leşkerî ya Minbicê Ebû Elî Rîfayî jî soza şopandina riya şehîdan da, biratiya gelan û têkoşîna şervanên QSD/YPG/YPJ′ê û Meclîsa Leşkerî ya Minbicê silav kir. Endama Rêveberiya Yekîtiya Ragihandina Azad Stêrk Gulo jî &nbsp;axivî û sersaxî ji malbata Dilîşan û hevalên wê re xwest. Stêrk wiha got: ″Dilîşan Îbiş di qadên berxwedanê de her di çeperên pêş de li gel şervanên azadiyê cih digirt, bi pênûs û kamera xwe rastî ji tevahî cîhanê re radigihand." Stêrk, soz da malbata Dilîşan û wiha got: "Em doz didin şehîd Dilîşan ku ew ê ji cihê ku televizyona Ronahî şehîd Mustefa lê hatiye oxirkirin ku ew pênûs û kamera şehîd Dilîşan li erdê nahêlin."&nbsp;
	
		&nbsp;
	
		Piştre jî Endamê Desteya Siyasî ya MSD′ê Zûhat Kobanê jî diyar kir ku ew deyîndarên cangoriyên azadiyê ne û wiha axivî: ″Em dê negirîn û xemgîn nebin. Divê bi ryara serketinê bidin û ber bi azadiyê ve gav bavêjin." Zûhat di dawiyê de anî ziman ku wê bi dehan rojnamevan kamera Dilîşan rakin û bi dehan şervanên YPG/YPJ/QSD′ê şopdarên riya hevalên xwe bin.
	
		&nbsp;
	
		Piştî axaftinan, nasnameyên rojnamevan Dilîşan Îbiş, şervanê QSD′ê Umran Îsa (Filestînî) û şervanê YPG′ê Edhem Şêxo (Alan Ararat) hatin xwendin. Nasnameyên gerîlaya HPG′ê Ronahî Stêrk û şervanê YPG′ê Rûstem Cûdî jî hatin eşkerekirin. Nasname rastî malbatên cangoriyan hatin kirin.
	
		&nbsp;
	
		Di dawiyê de cenazeyên rojnameger û şervan li goristanê hatin veşartin.
	
		&nbsp;
	
		&nbsp;


	&nbsp;