
Ji namzet Bariş Atay peyama Geziyê: Em ê biguherînin 

2018-05-31 16:18:52


	&nbsp;

	NAVENDA NÛÇEYAN – Di çarçoveya xebatên hilbijartinê de HDP li gelek navendan xebatên xwe birêve dibe. Namzetê HDP’ê yê Hatayê Bariş Atay peyama Geziyê da û got: “Wê bi me bê guhertin û em ê biguherînin.”&nbsp;

	&nbsp;

	Partiya Demokratîk a Gelan (HDP) lig elek navendan xebatên xwe didomîne. Rêxistina HDP’ê ya Edeneyê li ber avahiya xwe der barê salvegera berxwedana Geziyê de daxuyaniya çapemeniyê da.&nbsp;

	&nbsp;

	‘EM BI RIHÊ GEZIYÊ BIÇIN HILBIJARTINÊ’&nbsp;

	&nbsp;

	Namzetên HDP’ê yên Edeneyê û rêveberên HDP û welatî beşdarî daxuyaniyê bûn. Hevseroka HDP’a Edeneyê Gulseren Tural daxuyanî da û got ku ew xwe bi ruhê berxwedana Geziyê ji hilbijartinê re amade dikin û dê dawî li polîtîkayên bê edaletî bînin.&nbsp;

	&nbsp;

	‘EM Ê BERXEWDANA GEZIYÊ MEZIN BIKIN’&nbsp;

	&nbsp;

	Namzeta HDP’ê ya Edeneyê Tulay Hatîmogullari jî axivî û got: “Meseleya Geziyê divê mirov wek meseleya darê nebîne. Ew çalkî û berxwedan hêrsa li dijî AKP’ê bû. Em ê têkoşîna Geziyê mezintir bikin.”&nbsp;

	&nbsp;

	Namzetan pişt re rojnameyên herêmî 5 Ocak û Yenî Adana ziyaret kirin.&nbsp;

	Namzet Sever Uzun jî li taxa Ova ya Seyhanê bi jinan re hat ba hev û behsa HDP’ê jinan re kir.&nbsp;

	&nbsp;

	MÊRSÎN

	&nbsp;

	Namzetên HDP’ê yên Mêrsînê jî di çarçoveya xebatên hilbijartinê de li navçeyên Tarsûs, Akdenîz, Toroslar, Yenîşehîrû Mezîtlî civînên gel û ziyareta esnafan pêk anîn. Namzetan di serdanan de bal kişandin ser girîngiya HDP’ê û ji bo Tirkiyeyek nû xwestin gel HDP’ê destek bike. Namzetan navnîşana çareserkirina pirsgirêk û tengezariyan HDP’ê nîşan dan.&nbsp;

	&nbsp;

	ANTALYA&nbsp;

	&nbsp;

	Namzetên HDP’ê yên Antalya Kemal Bulbul, Denîz Yildirim, Erdal Gilgîr û Meral Geylanî jî li navçeya Elmali şêniyên taxa Tekke, Turbeya Abdal Musa û esnafan ziyaret kirin. Namzetan li ser Turbeya Abdal Musa diayan kirin û loqme li welatiyan belav kirin.&nbsp;

	&nbsp;

	HATAY&nbsp;

	&nbsp;

	Namzetên HDP’ê yên Hatayê Bariş Atay, Ekrem Nalbant, Hulya Kavuk û Mîthat Mîroglu jî bi boneya salvegera berxwedana Geziyê gora Halîl Aksakal ê li Rojava li dijî DAIŞ’ê li ber xwe da û jiyana xwe ji dest da û Okan Pîrînç ê di komkujiya Pirsûsê de jiyana xwe ji dest da ziyaret kirin. Namzetan qurnefil danîn ser goran û diayan kirin. Namzetan pişt re derbasî navenda navçeya Samandagê bûn û esnafan ziyaret kirin. Welatî û esnafan eleqeyek zêde nîşanî namzetan dan û gotin ku ew ê HDP’ê destek bikin.&nbsp;

	&nbsp;

	‘EM Ê BIGUHERÎNIN’&nbsp;

	&nbsp;

	Piştî ziyaretê li navçeyê buroya hilbijartinê vekirin. Di vekirina buroyê de Namzet Barış Atay axivî û got: “Em ê di 24’ê Hezîranê ji faşîzma AKP’ê re bêjin temam? Em ê hesabê polîtîkayên çandiniyê û nedana belgeyên turîzmê bipirsin gelo? Îro salvegera Geziyê ye. Salvegera yên li Nurhaqê jiyana xwe ji dest dane ye. Em ê hesabê van bipirsin? Wê bi me biguhere û em ê biguherînin.”&nbsp;

	&nbsp;