
Çawîş û polîsên ku hatin tayînkirin dê du caran deng bi kar bînin! 

2018-05-24 09:19:12


	DERSIM – Derket holê ku dê çawîşên pispor û polîsên ku tayînî hin gundên navçeya Qisleyê bûne, du dengan bi kar bînin. HDP û CHP ketin nava liv û tevgerê û li Desteya Hilbijartinê ya Navçeyê îtiraza vê yekê kirin.&nbsp;

	Derket holê ku çawîşên pispor û polîsên ku berê li gundên Dereova, Sariyayla, Şehît Mehmet Dalica yên navçeya Qisle ya Dersimê peywirdar bûn û tayîna wan derket, dê hem li van gundan hem jî li cihê ku tayînî wê bûne dengên xwe bi kar bînin.&nbsp;

	&nbsp;

	Keyayên gundan tespît kir ku dê nêzî 70 çawîşên pispor û polîs du caran deng bi kar bînin û keyayan ev rewş ragihand rêxistinên HDP û CHP’ê yên navçeyê. Li ser vê yekê rêxistinên HDP û CHP’ê yên navçeyan ketin nava liv û tevgerê û li Saziya Hilbijartinê ya Navçeyê îtiraza vê yekê kirin.&nbsp;

	&nbsp;

	‘DEREQANÛNÎ YE’&nbsp;

	&nbsp;

	Hevserokê HDP’a Qisleyê Huseyîn Saltik, diyar kir ku tişta hatiye kirin qereqanûnî ye û bi awayekî aşkere sûc hatiye kirin. Saltik, destnîşan kir ku ev rewş jî nîşan dide ku dê hîle û xurde di hilbijartinê de bn kirin, lê belê ew ê li dijî her cure derhiqûqiyan derkevin û ew ê ji bo gundên din jî vê rewşê lêkolîn bikin.&nbsp;

	&nbsp;

	Saltik, anî ziman ku nifûsa Qisleyê 2 hezar û 866 e û wan ev rewşa derhiqûqî ragihandiye Saziya Hilbijartinê ya Navçeyê û wan îtiraz kiriye.&nbsp;

	&nbsp;

	Saltik got, ew ê vê mijarê bişopînin.&nbsp;

	&nbsp;