
Cenazeyê Yildirimê li Licê hat qetilkirin radestî malbatê hat kirin 

2024-05-25 22:55:08


	AMED – Cenazeyê Mehmet Yildirimê li gundê Nenyas ê Licê hat qetilkirin, ji ATK'ya Amedê hat wergirtin.&nbsp;

	Cenazeyê Mehmet Yildirim (45) ê duh saet li dor 22.00'yan li gundê Nenyas ê Licê yê Amedê ji aliyê leşkeran ve hat qetilkirin, îro anîn Saziya Tiba Edlî (ATK) a Amedê. Cenaze bi saetan li saziyê hat sekinandin. Ji malbatê re hatibû gotin ku wê cenaze saet di 20.00'an de bê bê dayîn, lê saet di 21.30'yî de hat dayîn.&nbsp;

	&nbsp;

	MEBYA-DER, xizmên girtiyan ên di Nobeda Edaletê de, Hevseroka Giştî ya DBP'ê Çîgdem Kiliçgun Ûçar, Parlementerê DEM Partiyê yê Amedê Serhat Eren, DEM Partî û DBP'ê yên Amedê û rêxistinên her du partiyan ên navçeyan piştgiriyê dan malbatê.&nbsp;

	&nbsp;

	Dem cenaze radestî malbatê hat kirin girse dirûşmeyên "Bijî Serok Apo" û Şehîd Namirin" berz kirin. Malbat, cenazeyê Yildirim wergirt û ber bi gundê NEnyasê ve bi rê ket. Siyasetmedarên DEM Partî û DBP'yî û nûnerên saziyên din yên piştgirî dan malbatê, ji bo definkirina cenaze bi malbatê re ber bi gundê Nenyasê ve çûn. &nbsp;