
Dîtin ku têkiliya wî bi FETO re nîne, ji ‘propagandayê’ doz lê vekirin 

2018-05-17 09:18:12


	&nbsp;

	WAN – Rojnameger Adnan Bîlen ji Şaredariya Bajarê Mezin a Wanê îxrac kiribûn. Şaredariyê Bîlen bi FETO’yê sûcdar kir. Dozgeriyê derbarê Bîlen de lêpirsîn da destpêkirin û dozgeriya dît ku têkiliya wî bi FETO re nîne bi îdiaya “Propaganda KCK û PKK kiriye” doz lê vekir.&nbsp;

	&nbsp;

	Rojnameger Adnan Bîlen Midûrê Çapemeniya Şaredariya Bajarê Mezin a Wanê dikir. Bîlen bi îxrackirinê ji kar hat derxistin. Bi îdiaya sûcdariya FETO giliyê Bîlen ji Serdozgeriya Komarê ya Wanê re hat kirin.&nbsp;

	&nbsp;

	Dozgeriyê der barê Bîlen de ji xeta wî ya telefonê bigire heta hesabên medya civakî, kartên bankayê û abonetiya rojnameyan lêpirsîn da destpêkirin. Her wiha dozgeriyê ka Bîlen endamê FETO’yê an na ji Miduriyeta Polîsan û Wezareta Karê Hundir agahî xwest. Piştî lêkolînên li ser Bîlen hatin kirin, hat fêmkirin ku tu endamtiyek wî bi FETO re nîne.&nbsp;

	&nbsp;

	Miduriyeta Polîsan Wanê hin nîşeyan şand dozgeriyê diyar dike ku “Ne endamê FETO ye” lê bes îdia dike ku “Poropaganda PKK û KCK” kiriye.&nbsp;

	&nbsp;

	Li ser vê nîşeya agahiyên ji dozgeriyê hatin şandin bi îdiaya Bîlen “Propaganda PKK û KCK’ê kiriye” doz vekir û îdianame amade kir.&nbsp;

	&nbsp;

	Di îdinameyê de parvekirinên medya civakî yên Bîlen wek hêmanên sûc nîşan da.&nbsp;

	&nbsp;

	PARVEKIRINA NÛÇEYÊ JÎ KIRIN SÛC&nbsp;

	&nbsp;

	Yek ji van parvekirinên Bîlgen ew e ku nûçeya “Têkildarî bûyera Tahîr Elçî ji YDG-H’ê daxuyanî” ya der barê Serokê Baroya Amedê Tahîr Elçî yê li Sûrê hat kuştin e.

	&nbsp;

	Parvekirinên Bîlen ên mîna “Niha jî dema em wesiyata wan xweşikên ji me qût kirin bînin cih” û “Ez hêvîdar im Tirkiye dê li dinya din tune be” wek “Praopaganda rêxistinê” nîşan da.&nbsp;

	&nbsp;

	‘OCALAN Û ROJNAMEYA OZGURLUKÇU’ KIRIN SÛC&nbsp;

	&nbsp;

	Parvekirina Bîlen a der barê Rojnameya Ozgurlukçu Demokrasî ya qeyûm tayînî ser kirin de jî kirin sûc. Parvekirinek din jî ew e ku Bîlen ji Rêberê PKK’ê Abdullah Ocalan re bi boneya gotina “Rêberê Gelê Kurd” nivîsandiye bûye mijara sûcdariyê.&nbsp;

	&nbsp;

	Doza der barê Bîlen de vebû dê di 19’ê tîrmehê de li 2’yemîn Dadgeha Cezayê Giran a Wanê bê dîtin.&nbsp;