
Li Şirnex û Mêrdînê xebatên hilbijartinê berdewam dikin

2018-05-16 15:42:07


	&nbsp;

	ŞIRNEX / MÊRDÎN - Endam û rêveberên HDP’ê di çarçoveya xebatên hilbijartinê de, li Qilabanê dikandar ziyaret kirin û li navçeya Dêrikê ya Mêrdînê jî buroya hilbijartinê vekirin.&nbsp;

	&nbsp;

	ŞIRNEX

	&nbsp;

	Rêxistina Partiya Demokratîk a Gelan (HDP) a Şirnexê, di çarçoveya xebatên hilbijartinê de, li navçeya Qilabanê dikandar ziyaret kirin. Parlamentera HDP’ê ya Amedê Feleknas Uca, rêveber û endamên partiyê li ber avahiya HDP’a navçeyê kom bûn û dûre dikandarên navçeyê geriyan û wêneyên namzetê serokkomariyê Selahattîn Demîrtaş li welatiyan belav kirin. Uca û şandeya pê piştî serdana dikandaran, çûn serdana kedkarên tenduristiyê yên Nexweşxaneya Dewletê ya Navçeyê.&nbsp;

	&nbsp;

	LI DÊRIKÊ &nbsp;BUROYA HILBIJARTINÊ BI COŞEK MEZIN VE BÛ

	&nbsp;

	MÊRDÎN

	&nbsp;

	Rêxistina HDP’a Mêrdînê jî, di çarçoveya xebatên hilbijartinê de li navçeya Dêrikê buroya hilbijartinê vekir. Parlamenterê HDP’ê yê Îdirê Mehmet Emîn Adiyaman, endam û rêveberên partiyê û gelek welatî beşdarî merasîma vekirina buroyê bûn. Gava buro hat vekirin welatiyan dirûşmeya “Bijî HDP” berza klirin û li ber staranan guvend gerandin.&nbsp;

	&nbsp;