
5’emîn danişîna Yuksekdag sibe tê dîtin

2018-05-16 14:44:32


	ENQERE - 5’emîn danişîna Hevseroka Giştî ya HDP’ê ya barê Fîgen Yuksekdag a 18 mehin girtiye, sibê tê dîtin. Yuksekdag dê sibe beşdarî danişînê bibe û li ser hilbijartinê nirxandin bike.

	&nbsp;5’emîn danişîna doza Hevseroka Giştî ya Partiya Demokratîk a Gelan (HDP) a berê Fîgen Yuksekdga, dê sibe saet 09.30’an li Dadgeha Cezayê Giran a 16’emîn a Enqerê li Kampusa Girtîgeha Sîncanê bê dîtin. Yuksekdag a 18 mehin li Girtîgeha Tîpa F a Kandirayê tê girtin, dê sibe beşdarî danişînê bibe û li ser hilbijartina zordest a 24’ê Hezîranê nirxandin bike.&nbsp;

	&nbsp;

	'DOSYA NADIN YUKSEKDAG'

	&nbsp;

	Parêzera Yuksekdag Ruken Gulagaci berî danişînê agahî da û wiha got: “18 mehin Yuksekdag rehîn hatiye girtin. Ji roja destpêkê ve helwesta Yuksekdag diyare. Di dosyeya wê de &nbsp;pir kêmasî hene û dosyayê nadin wekîla min. Ji bo darazeke adîlane ev astengiyek herî mezine. Ji ber vê yekê em nikarin parastinê bikin.”

	&nbsp;

	'DÊ BIBE DENGÊ JINAN’

	&nbsp;

	Parlamentera HDP’ê &nbsp;ya &nbsp;Êlihê Ayşe Acar Başaran jî, ev demek dirêje Yuksekdag girtiye û wiha bilêv kir: “Yuksekdag dê hilbijartina zordest a 24’ê Hezîranê û pêşketinên 3 salan ên li Tirkiyeyê di danişînê binirxîne. Her çiqasê wekîltiya Yuksekdag û endamtiya wê ya partiyê hatibe betalkirin jî, Yuksekdag parçeyekê têkoşîna HDP’ê ye û em vê biryarê nasnakin. Yuksekdag dê bibe dengê jinên girtî. Em banga piştevaniyê li hemû jinan dikin.”

	&nbsp;

	Di 21’ê Sibata 2017’an de wekîltiya Yuksekdag hat betalkirin. Dadgeha Cezayê Giran a 7’emîn a Edeneyê bi îdîaya “Propagandeya rêxistinê kirin” 10 meh cezayê girtîgehê da Yuksekdag.&nbsp;

	&nbsp;